ભારત અને દક્ષિણ આફ્રિકા વચ્ચેની બીજી ટેસ્ટમાં વરસાદ વિલન બનશે?

દિલ્હી, તા.૨

ભારત અત્યાર સુધી દક્ષિણ આફ્રિકામાં એક પણ ટેસ્ટ શ્રેણી જીતી શક્યું નથી. ટીમ એક વખત શ્રેણી ડ્રો પર સમાપ્ત કરવામાં સફળ રહી છે. કેપટાઉનમાં અત્યાર સુધી જે જીત હાંસલ કરી શકાઈ નથી તેને ધ્યાનમાં લેતાં એમ કહી શકાય કે રોહિત શર્માની ટીમ આકરા પડકારનો સામનો કરી રહી છે. ભારત અને દક્ષિણ આફ્રિકા વચ્ચે બે ટેસ્ટ મેચની શ્રેણીની બીજી અને છેલ્લી મેચ 3 જાન્યુઆરીથી રમાશે. બંને ટીમો ન્યુલેન્ડ્સ, કેપટાઉનમાં સામસામે ટકરાશે. ભારતીય ટીમ અત્યાર સુધી અહીં એક પણ મેચ જીતી શકી નથી. તેને છમાંથી ચાર મેચમાં હારનો સામનો કરવો પડ્યો છે. બે મેચ ડ્રો રહી છે. વર્તમાન શ્રેણીમાં ટીમ 0-1થી પાછળ છે. જો તે આ મેચ જીતી જાય છે, તો શ્રેણી 1-1 પર સમાપ્ત થશે,પરંતુ તેની આશાઓ પર પાણી ફરી વળશે.કેપટાઉનમાં રમાનારી મેચ દરમિયાન બે દિવસ સુધી વરસાદની સંભાવના છે. સેન્ચુરિયનમાં પ્રથમ ટેસ્ટ દરમિયાન પણ વરસાદે તબાહી મચાવી હતી. હવે બીજી મેચમાં પણ આવું જ થશે તેવું લાગી રહ્યું છે. પહેલા ત્રણ દિવસ વરસાદની કોઈ આગાહી નથી પરંતુ છેલ્લા બે દિવસ ખરાબ હવામાનને કારણે મેચ પ્રભાવિત થઈ શકે છે.એક્યુવેધર અનુસાર મેચના પહેલા ત્રણ દિવસ વરસાદની કોઈ શક્યતા નથી.ત્યાર બાદ ચોથા દિવસે 6 જાન્યુઆરીએ 64 ટકા સંભાવના છે. તે જ સમયે, મેચના પાંચમા દિવસે (7 જાન્યુઆરી) વરસાદની 55 ટકા સંભાવના છે.

નોંધ : આ વેબસાઈટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે. અથવા તો કોઈક સોર્સ ઉપરથી માહિતી લેવામાં આવેલા છે. ન્યૂઝ તથા અન્ય વાતોની જવાબદારી જે તે લેખક તથા સોર્સની રહેશે. “divyangnewschannel.com” વેબસાઈટ કે પેજ ની કોઈપણ પ્રકારની જવાબદારી રહેશે નહીં