ફૂટપાથ પર ક્રીમ-પાવડર વેચીને બનાવી અબજોની કંપની અને હવે થશે ફાંસીની સજા, જાણો કોણ છે આ મહિલા

Fraud Case in Vietnam:  ત્રાંગ માઈ લેન વિયેતનામના રિયલ એસ્ટેટ ઉદ્યોગપતિ છે. તે છેલ્લા 11 વર્ષથી દેશની મોટી બેંકો સાથે છેતરપિંડી કરી રહી હતી. આરોપો સાબિત થયા બાદ હવે તેને ફાંસીની સજા આપવામાં આવી છે. વિયેતનામમાં આ પ્રકારનો પહેલો કેસ હોવાનું કહેવાય છે.

Truong My Lan Case: એક દિગ્ગજ રિયલ એસ્ટેટ બિઝનેસવુમનને વિયેતનામમાં મૃત્યુદંડની સજા ફટકારવામાં આવી છે. ટ્રોંગ માય લેન નામની આ બિઝનેસવુમનને અબજો ડોલરની છેતરપિંડી બદલ સજા ફટકારવામાં આવી છે. આને દેશની સૌથી મોટી નાણાકીય છેતરપિંડી કહેવામાં આવી રહી છે અને તેનાથી લગભગ 42000 લોકો પ્રભાવિત થયા છે.

મીડિયા રિપોર્ટ્સ અનુસાર, આ બિઝનેસવુમન શરૂઆતમાં તેની માતા સાથે ફૂટપાથ પર કોસ્મેટિક પ્રોડક્ટ્સ વેચતી હતી. ત્યાંથી શરૂ થયેલી સફર હવે અબજોની કિંમતની રિયલ એસ્ટેટ કંપની સુધી પહોંચી છે. પરંતુ વિયેતનામની કોર્ટે તેને છેતરપિંડીના આરોપમાં મોતની સજા સંભળાવી છે. ત્રાંગ માઈ લેનનું કહેવું છે કે તે આની સામે ઉચ્ચ અદાલતમાં અપીલ કરશે.

વિયેતનામી મીડિયામાં છપાયેલા સમાચાર મુજબ, 67 વર્ષીય ટ્રોંગ માય લેન એક રિયલ એસ્ટેટ ટાયકૂન છે. તે છેલ્લા 11 વર્ષથી દેશની મોટી બેંકો સાથે છેતરપિંડી કરી રહી હતી. આ સંબંધિત આરોપો સાબિત થયા બાદ તેને મૃત્યુદંડની સજા આપવામાં આવી હતી. વિયેતનામમાં આ પ્રથમ કેસ તરીકે જણાવવામાં આવી રહ્યો છે. લેન વિયેતનામની ટોચની રિયલ એસ્ટેટ કંપની વાન થિન્હ ફેટ (VTP)ના પ્રમુખ છે. આ કંપની લક્ઝરી એપાર્ટમેન્ટ, હોટલ, ઓફિસ અને શોપિંગ મોલ બનાવવાનું કામ કરે છે. ઓક્ટોબર 2022 માં, લેનની SCB બેંકમાં નાણાકીય છેતરપિંડીના આરોપમાં ધરપકડ કરવામાં આવી હતી.

કૌભાંડની રકમ 27 અબજ ડોલર હોવાનું અનુમાન

ત ધરપકડ બાદ તેની સામે 12.5 અબજ ડોલરનો કેસ નોંધવામાં આવ્યો હતો. જો કે બેંક દ્વારા આ કૌભાંડની રકમ 27 અબજ ડોલર હોવાનું જણાવવામાં આવ્યું હતું. કેસની સુનાવણી બાદ ટ્રુંગ માય લેનને વિયેતનામની સાયગોન કોમર્શિયલ બેંક (SCB) પાસેથી 44 બિલિયન ડોલરની લોન લેવા બદલ દોષી ઠેરવવામાં આવ્યા હતા.

કોર્ટે $27 બિલિયન પરત કરવાનો આદેશ આપ્યો હતો. પૈસા પરત કરવા માટે નિશ્ચિત સમય આપવામાં આવ્યો હતો. પરંતુ જ્યારે તે ન આવ્યો, ત્યારે પાંચ અઠવાડિયા સુધી ચાલેલી સુનાવણી બાદ જાણવા મળ્યું કે લેને 2011 અને 2022 વચ્ચે SCB બેંક દ્વારા અબજોની છેતરપિંડી કરી હતી. તેણે પોતાની શેલ કંપનીઓ દ્વારા નાણાંની છેતરપિંડી કરી હતી.

આ પણ વાંચો :રામલલાની સામે મુકાયેલ 1.5 ક્વિન્ટલની સુવર્ણ અક્ષરોમાં લખેલી રામાયણ,કોણે બનાવી

એટલું જ નહીં બેંક અધિકારીઓને લાંચ આપીને તેમની ભૂલો છુપાવવામાં આવી હતી. બેંક દ્વારા એવું પણ કહેવામાં આવ્યું હતું કે લેન અને તેના સહયોગીઓએ નકલી કંપનીઓ દ્વારા અબજો ડોલરની લોન મેળવી હતી. જેના કારણે બેંકને 27 અબજ ડોલરનું નુકસાન થયું છે. આ સમગ્ર મામલામાં 42,000 લોકો પીડિત છે.

પોલીસે તેમની ઓળખ કરી લીધી છે. લાંબી સુનાવણી પછી, ત્રાંગ માઈ લેનને આ છેતરપિંડીમાં લાંચ, ઉચાપત અને બેંકિંગ નિયમોના ઉલ્લંઘન માટે દોષિત ઠેરવવામાં આવ્યા હતા. આ પછી લેનને મૃત્યુદંડની સજા આપવામાં આવી હતી.