ઈલોન મસ્ક(Elon Musk) નું નવું કારનામું,માનવ મગજમાં સફળતાપૂર્વક ચિપ ઈમ્પ્લાન્ટ

ઈલોન મસ્કે(Elon Musk) કહ્યું છે કે જે વ્યક્તિમાં ચિપ લગાવવામાં આવી છે તેની તબિયતમાં સુધારો થઈ રહ્યો છે. મસ્કે સોશિયલ મીડિયા પર એક પોસ્ટ શેર કરીને આ માહિતી આપી હતી.

ઈલોન મસ્ક(Elon Musk)એ જાહેરાત કરી છે કે માનવ મગજમાં ચિપ ઈમ્પ્લાન્ટ કરવાનો પ્રથમ ટેસ્ટ સફળ રહ્યો છે. ઈલોન મસ્કની કંપની ન્યુરાલિંકને આ સફળતા મળી છે. મસ્કે કહ્યું છે કે જે વ્યક્તિમાં ચિપ લગાવવામાં આવી છે તેની તબિયતમાં સુધારો થઈ રહ્યો છે. મસ્કે સોશિયલ મીડિયા પર એક પોસ્ટ શેર કરીને આ માહિતી આપી હતી.

ઈલોન મસ્ક(Elon Musk) : ગયા વર્ષે યુએસ ફૂડ એન્ડ ડ્રગ એડમિનિસ્ટ્રેશન તરફથી મંજૂરી મળી હતી

ન્યુરાલિંકને યુએસ ફૂડ એન્ડ ડ્રગ એડમિનિસ્ટ્રેશન દ્વારા ગયા વર્ષે મેમાં માનવ મગજમાં ચિપ લગાવવા માટે મંજૂરી આપવામાં આવી હતી. ઇલોન મસ્કએ કહ્યું કે પ્રારંભિક પરિણામો ખૂબ જ પ્રોત્સાહક છે. ન્યુરાલિંકની વેબસાઈટ પર આપવામાં આવેલી માહિતી અનુસાર, સ્વતંત્ર સંસ્થાકીય સમીક્ષા બોર્ડ તરફથી મંજૂરી મળી ગઈ છે. મેડિકલ ડિવાઈસ PRIME (Precise Robotically Implanted Brain Computer Interface) ની અજમાયશ, જેમાં વાયરલેસ મગજ કોમ્પ્યુટર ઈન્ટરફેસનું પરીક્ષણ કરવામાં આવ્યું હતું, તે સફળ રહ્યું હતું. આ પરીક્ષણનો હેતુ માનવ મગજમાં ચિપ રોપવાની સલામતીનું મૂલ્યાંકન કરવાનો હતો.ન્યુરલિંક શું છે?

આ પણ વાંચો : શું તમને તમારા આધાર કાર્ડનો ફોટો ગમતો નથી? તો તેને બદલવાની આ રીત સમજી લો  

ન્યુરાલિંક એ એક સ્ટાર્ટઅપ છે, જે 2016માં પ્રખ્યાત અબજોપતિ એલોન મસ્ક(Elon Musk) દ્વારા કેટલાક વૈજ્ઞાનિકો અને એન્જિનિયરો સાથે શરૂ કરવામાં આવ્યું હતું. ન્યુરાલિંક મગજની ચિપ ઈન્ટરફેસ બનાવવાનું કામ કરે છે જેને માનવ ખોપરીમાં ઈમ્પ્લાન્ટ કરી શકાય છે. આ ચિપ્સની મદદથી, વિકલાંગ લોકો કે જેઓ ચાલી શકતા નથી, બોલી શકતા નથી અથવા જોઈ શકતા નથી તેઓ ફરીથી અમુક અંશે સારું જીવન જીવી શકશે. ચિપની મદદથી, ન્યુરલ સિગ્નલ કમ્પ્યુટર અથવા ફોન જેવા ઉપકરણોમાં ટ્રાન્સમિટ કરી શકાય છે. જો કે મસ્કની કંપનીને પણ ટીકાઓનો સામનો કરવો પડી રહ્યો છે. હકીકતમાં, કંપનીએ અગાઉ લેબમાં પ્રાણીઓ પર ચિપ પરીક્ષણ હાથ ધર્યું હતું, જેના માટે કંપનીની ભારે ટીકા થઈ હતી.

વર્ષ 2022માં કંપનીને અમેરિકાની કેન્દ્રીય તપાસનો પણ સામનો કરવો પડ્યો હતો. આરોપ છે કે કંપનીએ ટેસ્ટિંગ દરમિયાન 1500 જાનવરોને મારી નાખ્યા, જેમાં ઉંદર, વાંદરા, ડુક્કર વગેરેનો સમાવેશ થાય છે. જોકે, કંપનીએ આ આરોપોને નકારી કાઢ્યા હતા.

તમારી પ્રતિક્રિયા વ્યક્ત કરો

નોંધ : આ વેબસાઈટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે. અથવા તો કોઈક સોર્સ ઉપરથી માહિતી લેવામાં આવેલા છે. ન્યૂઝ તથા અન્ય વાતોની જવાબદારી જે તે લેખક તથા સોર્સની રહેશે. “divyangnewschannel.com” વેબસાઈટ કે પેજ ની કોઈપણ પ્રકારની જવાબદારી રહેશે નહીં

About The Author

Divyang News

See author's posts