ગઈકાલે મેચમાં થયેલી ધક્કામુક્કી બાદ ભારતીય કોચનું નિવેદન, “Vaibhav Suryavanshi શાંત સ્વભાવનો છોકરો છે, શ્રીલંકાના ખેલાડીઓને વર્તન કરતા શીખવવું જોઈએ”
ZENSI PATEL 
વૈભવ સૂર્યવંશી (Vaibhav Suryavanshi) ફરી એકવાર ચર્ચામાં છે. દાંબુલામાં રમાયેલી ભારત-A અને શ્રીલંકા-A વચ્ચેની ટ્રાઈ-નેશન સિરીઝની મેચ બાદ વૈભવ સૂર્યવંશી અને શ્રીલંકન ખેલાડી વચ્ચે થયેલી ધક્કામુક્કીનો મામલો હવે ટીમ ઈન્ડિયા સુધી પહોંચી ગયો છે. ભારતીય ટીમના સ્પિન બોલિંગ કોચ સાઈરાજ બહુતુલેએ આ ઘટનાને લઈને મહત્વપૂર્ણ નિવેદન આપતાં કહ્યું કે વૈભવ સૂર્યવંશી શાંત સ્વભાવનો છોકરો છે અને તેને કોઈ રીતે ઉશ્કેરવામાં આવ્યો હોય તેવું લાગે છે.
વૈભવ સૂર્યવંશી (Vaibhav Suryavanshi) અંગે કોચનું મોટું નિવેદન
પ્રેસ કોન્ફરન્સ દરમિયાન સાઈરાજ બહુતુલેએ જણાવ્યું કે વૈભવ સૂર્યવંશી હજુ માત્ર 15 વર્ષનો છે અને ક્રિકેટના ઉચ્ચ સ્તરે ઘણી બાબતો શીખી રહ્યો છે. તેમણે કહ્યું કે યુવા ખેલાડીઓ પર મોટી જવાબદારીઓ હોય છે અને ટીમ મેનેજમેન્ટ તેની સાથે વાત કરીને સમગ્ર ઘટનાની સમજ આપશે. કોચે આશા વ્યક્ત કરી કે વૈભવ સૂર્યવંશી (Vaibhav Suryavanshi) ભવિષ્યમાં આવી પરિસ્થિતિને વધુ પરિપક્વતાથી સંભાળશે.
શ્રીલંકન ખેલાડીઓના વર્તન પર પણ ઉઠાવ્યા સવાલ
ભારતીય કોચે માત્ર પોતાના ખેલાડીનો બચાવ જ કર્યો નહીં પરંતુ શ્રીલંકાના ખેલાડીઓના વર્તન અંગે પણ સવાલ ઉઠાવ્યા. તેમણે જણાવ્યું કે મેદાન પર યોગ્ય વર્તન અંગે માત્ર ભારતીય ખેલાડીઓને નહીં પરંતુ શ્રીલંકન ખેલાડીઓને પણ માર્ગદર્શન આપવાની જરૂર છે. તેમના મતે આ એક દુર્ભાગ્યપૂર્ણ ઘટના હતી જેને ટીમ સ્તરે ઉકેલવામાં આવશે.
કેવી રીતે શરૂ થયો વૈભવ સૂર્યવંશી વિવાદ?
સોમવારે દાંબુલામાં રમાયેલી મેચ અત્યંત રોમાંચક રહી હતી. ભારત-A અને શ્રીલંકા-A વચ્ચેની મેચ ટાઈ થયા બાદ પરિણામ માટે સુપર ઓવર રમાઈ હતી. શ્રીલંકા-Aએ સુપર ઓવરમાં 16 રન બનાવ્યા હતા, જ્યારે ભારત-A માત્ર 9 રન જ બનાવી શક્યું હતું. હાર બાદ મેદાનમાં થયેલી ટિપ્પણીને કારણે વૈભવ સૂર્યવંશી અને શ્રીલંકન ખેલાડી વચ્ચે વિવાદ સર્જાયો હતો.
શ્રીલંકન ખેલાડીની ટિપ્પણીથી ભડક્યા વૈભવ સૂર્યવંશી
અહેવાલો અનુસાર શ્રીલંકાના ખેલાડી વિશેન હલમ્બાગેએ મેચ જીત્યા બાદ વૈભવ સૂર્યવંશી (Vaibhav Suryavanshi) ને ઉશ્કેરતી ટિપ્પણી કરી હતી. માહિતી મુજબ હલમબાગેએ કહ્યું હતું કે, “મેચ પૂરી થઈ ગઈ, હવે ઘરે જા.” આ ટિપ્પણી સાંભળ્યા બાદ વૈભવ સૂર્યવંશી (Vaibhav Suryavanshi) એ પહેલા જવાબ આપ્યો અને પછી ધક્કો માર્યો હોવાનું સામે આવ્યું છે.
મેદાન પર સર્જાઈ તંગદિલી
ધક્કામુક્કી બાદ બંને ખેલાડીઓ સામસામે આવી ગયા હતા અને વાત વધુ ઉગ્ર બને તે પહેલાં બંને ટીમોના ખેલાડીઓએ દરમિયાનગીરી કરી હતી. મેદાન પર હાજર ખેલાડીઓ અને અધિકારીઓએ તરત જ બંનેને અલગ કર્યા હતા, જેના કારણે પરિસ્થિતિ વધુ બગડતી અટકી ગઈ હતી.
15 વર્ષની ઉંમરે ચર્ચામાં વૈભવ સૂર્યવંશી
તાજેતરના સમયમાં વૈભવ સૂર્યવંશી (Vaibhav Suryavanshi) ભારતીય ક્રિકેટના સૌથી ચર્ચિત યુવા ખેલાડીઓમાંના એક બન્યા છે. પોતાની આક્રમક બેટિંગ અને પ્રતિભાના કારણે તેઓ સતત ચર્ચામાં રહે છે. જોકે, આ ઘટના બાદ રમતની સાથે ખેલાડીના વર્તન અને મેદાન પરના શિસ્તના મુદ્દા પણ ચર્ચાનો વિષય બન્યા છે.
ટીમ મેનેજમેન્ટ કરશે આંતરિક ચર્ચા
ભારતીય કોચિંગ સ્ટાફે સ્પષ્ટ કર્યું છે કે આ સમગ્ર મામલાની ટીમની અંદર ચર્ચા કરવામાં આવશે. વૈભવ સૂર્યવંશીને યોગ્ય માર્ગદર્શન આપીને આવી ઘટનાઓ ભવિષ્યમાં ન બને તે માટે પ્રયાસ કરવામાં આવશે. ક્રિકેટ નિષ્ણાતોનું માનવું છે કે યુવા ખેલાડીઓ માટે આવી પરિસ્થિતિઓ શીખવાની તક બની શકે છે અને આ અનુભવ તેમની કારકિર્દીમાં મહત્વપૂર્ણ સાબિત થઈ શકે છે.
નોંધ : આ વેબસાઈટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે. અથવા તો કોઈક સોર્સ ઉપરથી માહિતી લેવામાં આવેલા છે. ન્યૂઝ તથા અન્ય વાતોની જવાબદારી જે તે લેખક તથા સોર્સની રહેશે. “divyangnewschannel.com” વેબસાઈટ કે પેજ ની કોઈપણ પ્રકારની જવાબદારી રહેશે નહી
