માછીમારીની જાળમાં ફસાયો વિશાળ અજગર (python) , લોકોએ અજગરને બચાવી બહાર કાઢ્યો, તો કેટલાક સોશિયલ મીડિયા યુઝર્સે અજગરના ફૂલેલા પેટ વિશે ચર્ચા કરી

માછલીને બદલે એક વિશાળ અજગર (python) માછીમારીની જાળમાં ફસાઈ ગયો. અજગર જાળમાં એવી રીતે ફસાઈ ગયો કે તે જાતે જ બહાર નીકળી શક્યો ન હતો. જે બાદ વન્યજીવ અધિકારીઓએ અજગરનું રેસ્ક્યુ ઓપરેશન હાથ ધર્યું હતું, જેનો વીડિયો સોશિયલ મીડિયા પર ઝડપથી વાયરલ થઈ રહ્યો છે.

અજગર સૌથી ખતરનાક જીવોમાંનું એક છે. જે કોઈ તેની ચુંગાલમાં ફસાઈ જાય છે, તે તેને ગળી જાય છે. પરંતુ હાલમાં જ સોશિયલ મીડિયા પર એક વીડિયો વાયરલ થઈ રહ્યો છે. જેમાં એક મહાકાય અજગર (python) માછીમારીની જાળમાં ફસાઈ ગયો હતો. આ ઘટના કર્ણાટકની જણાવવામાં આવી રહી છે. જ્યાં વાઈલ્ડ લાઈફ અધિકારીઓએ માછલીની જાળમાં ફસાયેલા 7 ફૂટ લાંબા અજગર (python) ને બચાવી લીધો હતો. અગુમ્બે રેઈનફોરેસ્ટ રિસર્ચ સ્ટેશનના ફિલ્ડ ડિરેક્ટર અજય ગિરીએ આ ઘટનાનો વીડિયો ઈન્સ્ટાગ્રામ પર શેર કર્યો છે. આ વીડિયો સોશિયલ મીડિયા પર ઝડપથી વાયરલ થઈ રહ્યો છે.

માછલીની જાળમાં ફસાયેલો અજગર (python)

વીડિયોમાં જોઈ શકાય છે કે અજગર માછીમારીની જાળમાં ખરાબ રીતે ફસાઈ ગયો છે અને પોતાને બચાવવા માટે સંઘર્ષ કરી રહ્યો છે. જ્યારે વાઈલ્ડ લાઈફ અધિકારીઓને આ અંગેની માહિતી મળી તો તેઓએ અજગર (python) ને બચાવવા માટે રેસ્ક્યુ ઓપરેશન શરૂ કર્યું. સૌથી પહેલા અજગરના મોઢામાં પાઇપ નાખવામાં આવે છે જેથી તે કોઈના પર હુમલો ન કરી શકે. પછી તેઓ તેને જાળીની સાથે ઉપાડે છે અને જમીન પર લાવે છે. જ્યાં તેઓએ ધીમે ધીમે કાતર વડે જાળ કાપી અને અજગરને મુક્ત કર્યો. આગળ વીડિયોમાં એવું પણ જોવા મળે છે કે અજગરને પકડીને જંગલમાં છોડી દેવામાં આવે છે. અજગર કોઈને નુકસાન પહોંચાડ્યા વિના જંગલમાં પાછો ફરે છે.

View this post on Instagram

A post shared by Ajay Giri (@ajay_v_giri)

આ પણ વાંચો: આ ધાતુના 50 ગ્રામની કિંમત 850 કરોડ રૂપિયા, બિહારમાં પકડાયું ‘કેલિફોર્નિયમ’ (Californium) !

રેસ્ક્યુ ટીમના આ ઉમદા કાર્યને લોકોએ બિરદાવ્યું હતું.

લોકો આ વીડિયોને શેર કરી રહ્યા છે જે વાયરલ થઈ રહ્યો છે. આ વીડિયોને હજારો લોકોએ જોયો છે અને પસંદ કર્યો છે. તે જ સમયે, ઘણા વપરાશકર્તાઓએ આ વિડિઓ પર ટિપ્પણી કરીને તેમના પ્રતિસાદ પણ આપ્યા છે. મોટાભાગના યુઝર્સ અજગરને બચાવનાર ટીમના વખાણ કરી રહ્યા છે. જ્યારે કેટલાક યુઝર્સ અજગરના ફૂલેલા પેટ વિશે પૂછી રહ્યા છે કે, તેણે એવું શું ખાધું જેનાથી તેનું પેટ આટલું ફૂલેલું થઈ ગયું? એકે તો એમ પણ કહ્યું કે તે વસ્તુ પણ અજગરના પેટમાંથી બહાર કાઢવી જોઈતી હતી.

નોંધ : આ વેબસાઈટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે. અથવા તો કોઈક સોર્સ ઉપરથી માહિતી લેવામાં આવેલા છે. ન્યૂઝ તથા અન્ય વાતોની જવાબદારી જે તે લેખક તથા સોર્સની રહેશે. “divyangnewschannel.com” વેબસાઈટ કે પેજ ની કોઈપણ પ્રકારની જવાબદારી રહેશે નહી