ઘણા વિલંભ પછી રાજસ્થાનમાં સી એમ ભજનલાલ શર્માની કેબિનેટનું વિસ્તરણ

રાજસ્થાન માં લાંબી રાહ જોયા બાદ સી એમ ભજનલાલ શર્માની કેબિનેટનું વિસ્તરણ કરવામાં આવ્યું છે. આ કેબિનેટમાં ભાજપના 22 ધારાસભ્યોએ રાજસ્થાન સરકારના મંત્રી તરીકે શપથ લીધા. 15 ડિસેમ્બરના રોજ, ભજનલાલ શર્માએ મુખ્ય પ્રધાન તરીકે શપથ લીધા હતા અને દિયા કુમારી અને પ્રેમચંદ બૈરવાએ નાયબ મુખ્ય પ્રધાન તરીકે શપથ લીધા હતા. ત્યારથી રાજસ્થાનમાં કેબિનેટ વિસ્તરણની રાહ જોવાઈ રહી હતી.કિરોડીલાલ મીણાએ ભજનલાલ શર્માની કેબિનેટમાં પ્રથમ કેબિનેટ મંત્રી તરીકે શપથ લીધા છે. આ કાર્યક્રમમાં કુલ 22 મંત્રીઓએ શપથ લીધા હતા.રાજ્યસ્થાન કેબિનેટનું શનિવારે વિસ્તરણ કરવામાં આવ્યું હતું. રાજ્યપાલ કલરાજ મિશ્રાએ મંત્રીઓને શપથ લેવડાવ્યા હતા. ભજનલાલ સરકારમાં બે ડેપ્યુટી સીએમ ઉપરાંત 22 મંત્રીઓએ શપથ લીધા છે. જેમાં 12 કેબિનેટ મંત્રી બનાવવામાં આવ્યા છે. આ સાથે દસ રાજ્યમંત્રી બનાવવામાં આવ્યા છે, જેમાંથી પાંચને સ્વતંત્ર હવાલો આપવામાં આવ્યો છે. ભજનલાલ મંત્રી પરિષદમાં નિયુક્ત 22 મંત્રીઓમાંથી 16 પ્રથમ વખત મંત્રી બન્યા છે. જો સીએમ અને બે ડેપ્યુટી સીએમનો પણ સમાવેશ કરવામાં આવે તો 25માંથી 20 પ્રથમ વખતના મંત્રી છે.ભાજપના 22 ધારાસભ્યોએ શનિવારે અહીં રાજભવનમાં એક સમારોહ દરમિયાન રાજસ્થાન સરકારના મંત્રી તરીકે શપથ લીધા. આ સમયગાળા દરમિયાન, 12 કેબિનેટ પ્રધાનો, પાંચ રાજ્ય પ્રધાન (સ્વતંત્ર હવાલો) તરીકે અને પાંચ રાજ્ય પ્રધાનો તરીકે શપથ લીધા હતા. સમારોહ દરમિયાન રાજ્યપાલ કલરાજ મિશ્રાએ ધારાસભ્યોને પદના શપથ લેવડાવ્યા હતા. સિરોહી વિધાનસભા બેઠક પરથી જીતેલા ઓતરામ દેવાસીએ રાજ્યમંત્રી તરીકે શપથ લીધા. તેમની સાથે મંજુ બાગમાર, વિજય સિંહ ચૌધરી, કેકે વિશ્નોઈ અને જવાહર સિંહ બેધમે રાજ્ય મંત્રી તરીકે શપથ લીધા. સંજય શર્મા, ગૌતમ કુમાર, ઝબર સિંહ ખરા, સુરેન્દ્ર પાલ સિંહ અને હીરાલાલ નાગરે રાજ્ય મંત્રી (સ્વતંત્ર હવાલો) તરીકે શપથ લીધા.

કેબિનેટ મંત્રીની શપથ લેનારા નેતા

કિરોડીલાલ મીણા
ગજેન્દ્રસિંહ ખીવસર
રાજ્યવર્ધન સિંહ
બાબૂલાલ ખરાડી
મદન દિલાવર
જોગારામ પટેલ
સુરેશ સિંહ રાવત
અવિનાશ ગેહલોત
જોરારામ કુમાવત
હેમંત મીણા
કન્હૈયાલાલ ચૌધરી
સુમિત ગોદારા

રાજ્યમંત્રી(સ્વતંત્ર પ્રભાર)ની શપથ લેનારા નેતાઓ

સંજય શર્મા
ગૌતમ કુમાર દક
ઝાબર સિંહ ખરા
સુરેન્દ્રપાલ ટીટી
હીરાલાલ નાગર

રાજ્યમંત્રીની શપથ લેનારા નેતાઓ

ઓટારામ દેવાસી
વિજયસિંહ ચૌધરી
મંજુ બાઘમાર
કેકે વિશ્નોઈ
જવાહર સિંહ બેઢમ

પૂજા પચ્ચીગર

નોંધ : આ વેબસાઈટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે. અથવા તો કોઈક સોર્સ ઉપરથી માહિતી લેવામાં આવેલા છે. ન્યૂઝ તથા અન્ય વાતોની જવાબદારી જે તે લેખક તથા સોર્સની રહેશે. “divyangnewschannel.com” વેબસાઈટ કે પેજ ની કોઈપણ પ્રકારની જવાબદારી રહેશે નહીં