મરચાંના પાવડરમાં ઈંટનો ચૂરો પણ હોય શકે,જે આંતરડા માટે  જોખમી.FSSAIએ નકલી મરચાંની તપાસ કઈ રીતે કરવી તેની રીત બતાવી ,

How do you detect brick powder in red chilli powder: લાલ મરચાંનો પાવડર સૌથી વધુ ઉપયોગમાં લેવાતા મસાલાઓમાંનો એક છે. તેનો ઉપયોગ શાકભાજીને સ્વાદ અને ઘાટો રંગ આપવા માટે થાય છે. પ્રાચીન સમયમાં, આખા લાલ મરચાંને તડકામાં સૂકવીને પાઉડર બનાવીને પાછળથી ઉપયોગમાં લેવાતા હતા. પરંતુ હવે લાલ મરચાના પાઉડરના પેકેટ મળવા લાગ્યા છે.

આજકાલ લગભગ તમામ ખાદ્યપદાર્થોમાં ભેળસેળ કરવામાં આવે છે. તો સવાલ એ છે કે તમે જે લાલ મરચાંનો પાઉડર વાપરો છો તે કેટલો સુરક્ષિત છે? શું તમારા મરચામાં ભેળસેળ છે?  પીસેલા  મસાલાની માત્રા વધારવા અને તેને ઘાટો રંગ આપવા માટે ભેળશેળ કરવામાં આવે છે.

પેકેજ્ડ મસાલાનું વજન વધારવા માટે લાકડાનો ભૂસો , ઈંટનો ચૂરો અને કૃત્રિમ રંગોનો ઉપયોગ કરવામાં આવે છે. આ વસ્તુઓ તમારા પેટમાં જઈને તમને અનેક ખતરનાક રોગોના દર્દી બનાવી શકે છે. ફૂડ સેફ્ટી એન્ડ સ્ટાન્ડર્ડ ઓથોરિટી ઓફ ઈન્ડિયા (FSSAI) એ એક સરળ રીત આપી છે જેના દ્વારા તમે માત્ર 5 સેકન્ડમાં અસલ કે નકલી લાલ મરચાંનો પાવડર ચેક કરી શકો છો.

લાલ મરચાના પાવડરમાં ભેળસેળ કેમ થાય છે?

સામાન્ય રીતે, પીસેલ મસાલાની માત્રા વધારવા અને તેનો રંગ વધારવા માટે ભેળશેળ કરવામાં આવે છે. મરચાંના પાવડરને સામાન્ય રીતે ઈંટ ચૂરો, મીઠું પાવડર અથવા ટેલ્કમ પાવડર સાથે મિશ્રિત કરવામાં આવે છે.

આ પણ વાંચો:આ શિયાળામાં જાંબલી ગાજર શા માટે ખાવા જોઈએ ?

ઈંટનો પાવડર સ્વાસ્થ્ય માટે જોખમી છે

ઈંટનો પાવડર ઘણીવાર ઈંટના ચૂરા માંથી બનાવવામાં આવે છે, જે લાલ રંગનો હોય છે. આ પાવડરનો રંગ અને બનાવટ મરચાંના પાવડર જેવો જ છે. તેથી, તેનો ઉપયોગ ઘણીવાર ભેળસેળ તરીકે થાય છે. આ સ્વાસ્થ્ય માટે ખૂબ જ ખતરનાક છે. તેના નિયમિત સેવનથી શરીર પર ગંભીર પરિણામો આવે છે.

ઘરે લાલ મરચાના પાવડરમાં ભેળસેળ કેવી રીતે તપાસવી

• એક ગ્લાસ સાદા પાણીમાં એક ચમચી મરચાંનો પાવડર મિક્સ કરો.
• પાણીમાં ઓગળેલા પાવડરની થોડી માત્રા લો અને તેને તમારા હાથ પર ઘસો.
• જો ઘસ્યા પછી કઠોરતા અનુભવાય છે, તો લાલ મરચાના પાવડરમાં ઈંટના પાવડર/રેતીની ભેળસેળ છે.
• જો અવશેષો સાબુ જેવા અને ચીકણું લાગે, તો તે સાબુના પથ્થર સાથે ભેળસેળયુક્ત છે.

કૃત્રિમ રંગ કેવી રીતે તપાસો

• તેને તેજસ્વી રંગ આપવા માટે લાલ મરચાના પાવડરમાં કૃત્રિમ રંગો ભેળવવામાં આવે છે.
• એક ગ્લાસ પાણીમાં થોડો મરચું પાવડર નાંખો
• જો તમને તેમાં રંગીન લાઇન દેખાય આવે તો પાવડરમાં ભેળસેળ હોય શકે છે.
• પાણીમાં દ્રાવ્ય કોલસાના ટાર રંગને ઘણીવાર લાલ મરચાના પાવડરમાં ઉમેરવામાં આવે છે.

સ્ટાર્ચ શોધવા માટે, આ રીતે પરીક્ષણ કરો

• તેની માત્રા વધારવા માટે લાલ મરચાંના પાવડરમાં ઘણી વખત સ્ટાર્ચ ઉમેરવામાં આવે છે.
• સ્ટાર્ચ તપાસવા માટે, પીસેલ મસાલામાં ટિંકચર આયોડિન અથવા આયોડિન સોલ્યુશનના થોડા ટીપાં ઉમેરો.
• જો મસાલાના રંગમાં વાદળી રંગનો ફેરફાર છે, તો તે સ્ટાર્ચને કારણે થઈ શકે છે

નોંધ : આ વેબસાઈટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે. અથવા તો કોઈક સોર્સ ઉપરથી માહિતી લેવામાં આવેલા છે. ન્યૂઝ તથા અન્ય વાતોની જવાબદારી જે તે લેખક તથા સોર્સની રહેશે. “divyangnewschannel.com” વેબસાઈટ કે પેજ ની કોઈપણ પ્રકારની જવાબદારી રહેશે નહી