ચીનની સરહદ નજીક અચાનક રડાર પરથી ગાયબ થયા પછી 49 મુસાફરો સાથેનું રશિયન વિમાન (Plane) ક્રેશ થયું

ચીનની સરહદ નજીક એક રશિયન પેસેન્જર વિમાન (Plane) ક્રેશ થયું છે. રોઇટર્સના અહેવાલ મુજબ, આ વિમાન રશિયાના પૂર્વીય અમુર ક્ષેત્રમાં ઉડાન ભરી રહ્યું હતું. આ An-24 વિમાનમાં લગભગ 49 મુસાફરો સવાર હતા. અહેવાલો અનુસાર, બધાના મૃત્યુ થયા હોવાની આશંકા છે.

સ્થાનિક કટોકટી મંત્રાલયે જણાવ્યું હતું કે વિમાન (Plane) ખાબોરોવસ્ક, બ્લાગોવેશેન્સ્ક થઈને ટિંડા જઈ રહ્યું હતું. તે ચીનની સરહદ નજીક છે. ટિંડા પહોંચતા પહેલા, તે રડાર પરથી ગાયબ થઈ ગયું અને સંપર્ક તૂટી ગયો.

બીજી વખત લેન્ડિંગનો પ્રયાસ કરતી વખતે વિમાન (Plane) ગુમ 

અમુરના ગવર્નર વેસિલી ઓર્લોવે ટેલિગ્રામ પર જણાવ્યું હતું કે ગુમ થયેલું વિમાન (Plane) અંગારા એરલાઇન્સનું હતું. એમાં 43 મુસાફર અને 6 ક્રૂ-સભ્યો હતા. મુસાફરોમાં 5 બાળકનો પણ સમાવેશ થાય છે. તેમણે કહ્યું હતું કે વિમાનને શોધવા માટે તમામ જરૂરી સંસાધનો અને ટીમો તહેનાત કરવામાં આવી છે.

ઇન્ટરફેક્સના અહેવાલ મુજબ, ટિંડા એરપોર્ટ પર લેન્ડિંગ કરવાનો પ્રથમ પ્રયાસ વિમાન નિષ્ફળ ગયું. જ્યારે તેણે બીજી વખત લેન્ડિંગ કરવાનો પ્રયાસ કર્યો ત્યારે એ રડાર પરથી ગાયબ થઈ ગયું.

તાસ ન્યૂઝ એજન્સીએ એક સૂત્રને ટાંકીને જણાવ્યું હતું કે વિમાન (Plane) ટિંડા એરપોર્ટથી થોડા કિલોમીટર પહેલાં નિર્ધારિત ચેકપોઇન્ટનો સંપર્ક પણ કરી શક્યું નહીં. ટિંડા શહેર રશિયાની રાજધાની મોસ્કોથી લગભગ 6,600 કિલોમીટર પૂર્વમાં આવેલું છે.

રશિયાના પૂર્વીય પ્રદેશ અમુરમાં ગુરુવારે 49 લોકો સાથેનું એક પેસેન્જર વિમાન ક્રેશ થયું હોવાનું અધિકારીઓએ જણાવ્યું હતું. કટોકટી મંત્રાલયે જણાવ્યું હતું કે, રશિયન બચાવકર્તાઓને શરૂઆતમાં રશિયાના દૂર પૂર્વમાં રડાર પરથી ગાયબ થયેલા એન્ટોનોવ-24 પેસેન્જર વિમાનનો ફ્યુઝલેજ મળ્યો હતો.

આ પણ વાંચો : ₹10,000 માં ChatGPT સાથે સ્માર્ટવોચ (Smartwatch) ! CMF Watch 3 Pro માં AMOLED ડિસ્પ્લે અને AI ફીચર્સ મળશે

“રોસાવિઆત્સિયા (રશિયાના નાગરિક ઉડ્ડયન સત્તામંડળ) દ્વારા સંચાલિત એક Mi-8 હેલિકોપ્ટરે ટિન્ડાથી લગભગ 16 કિલોમીટર (10 માઇલ) દૂર વિમાન (Plane) નો સળગતો ફ્યુઝલેજ જોયો છે,” રશિયાના કટોકટી મંત્રાલયે ટેલિગ્રામ પર જણાવ્યું હતું.

સ્થાનિક બચાવકર્તાઓએ જણાવ્યું હતું કે હેલિકોપ્ટરને ઉપરથી બચી ગયેલા લોકોના કોઈ પુરાવા મળ્યા નથી. પ્રાદેશિક ગવર્નર વેસિલી ઓર્લોવે જણાવ્યું હતું કે, રશિયન-ચીની સરહદ પર આવેલા બ્લાગોવેશેન્સ્ક શહેરથી ટિન્ડા શહેર જઈ રહેલી ફ્લાઇટમાં 5 બાળકો સહિત 43 મુસાફરો તેમજ 6 ક્રૂ સભ્યો સવાર હતા.

અમુર પ્રદેશની નાગરિક સંરક્ષણ એજન્સીએ જણાવ્યું હતું કે તે ઘટનાસ્થળે બચાવકર્તાઓને મોકલી રહી છે. “હાલમાં, 25 લોકો અને પાંચ સાધનો મોકલવામાં આવ્યા છે, અને ક્રૂ સાથે ચાર વિમાન (Plane) સ્ટેન્ડબાય પર છે,” એવું કહેવામાં આવ્યું છે.  પાછળથી એક બચાવ હેલિકોપ્ટરે પર્વતની બાજુમાં વિમાન (Plane) નો સળગતો ભાગ જોયો.

રોઇટર્સના અહેવાલ મુજબ , સ્થાનિક કટોકટી મંત્રાલયે જણાવ્યું હતું કે સાઇબિરીયા સ્થિત અંગારા નામની એરલાઇન દ્વારા સંચાલિત વિમાન (Plane) , તેના ગંતવ્ય સ્થાન ટિન્ડા નજીક પહોંચતી વખતે રડાર સ્ક્રીન પરથી પડી ગયું હતું.

નોંધ : આ વેબસાઈટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે. અથવા તો કોઈક સોર્સ ઉપરથી માહિતી લેવામાં આવેલા છે. ન્યૂઝ તથા અન્ય વાતોની જવાબદારી જે તે લેખક તથા સોર્સની રહેશે. “divyangnewschannel.com” વેબસાઈટ કે પેજ ની કોઈપણ પ્રકારની જવાબદારી રહેશે નહી