Divyang News 
અમેરિકા ટૂંક સમયમાં આ અંગે નોટિફિકેશન બહાર પાડી શકે છે. 31 MQ-9B પ્રિડેટર ડ્રોન માંથી 15 ભારતીય નેવીને આપવામાં આવશે. જ્યારે ભારતીય સેના અને વાયુસેનાને 8-8 ડ્રોન મળશે.
ભારત અને અમેરિકા વચ્ચે પ્રિડેટર ડ્રોન ડીલને અંતિમ મંજૂરી આપવામાં આવી છે (US approves Predator drone deal).યુએસ સ્ટેટ ડિપાર્ટમેન્ટે પ્રિડેટર ડ્રોન બનાવતી કંપની જનરલ એટોમિક્સને આની જાણકારી આપી હતી. વિભાગે કંપનીને જણાવ્યું કે યુએસ કોંગ્રેસે સમીક્ષા બાદ ભારતને 31 MQ-9B ડ્રોનના વેચાણને મંજૂરી આપી દીધી છે. આ સંબંધિત સત્તાવાર સૂચના આગામી 24 કલાકમાં જારી કરવામાં આવશે.
હિન્દુસ્તાન ટાઈમ્સમાં છપાયેલ શિશિર ગુપ્તાના અહેવાલમાં જણાવાયું છે કે જનરલ એટોમિક્સે પણ આ માહિતી મોદી સરકાર સાથે શેર કરી છે. જો કે, આ અંગે ભારત સરકાર દ્વારા હજુ સુધી કોઈ પ્રતિક્રિયા શેર કરવામાં આવી નથી. પરંતુ રિપોર્ટ અનુસાર વોશિંગ્ટન ટૂંક સમયમાં આ અંગે નોટિફિકેશન બહાર પાડી શકે છે.
31 MQ-9B ડ્રોનમાંથી 15 ભારતીય નેવીને આપવામાં આવશે. જ્યારે ભારતીય સેના અને વાયુસેનાને 8-8 ડ્રોન મળશે. અહેવાલ મુજબ, યુએસ સ્ટેટ ડિપાર્ટમેન્ટના પ્રવક્તા મેથ્યુ મિલરે જણાવ્યું હતું કે,
“ભારત અને અમેરિકા વચ્ચે સંરક્ષણ ભાગીદારીમાં છેલ્લા દાયકામાં વૃદ્ધિ જોવા મળી છે. ગયા વર્ષે પીએમ મોદીની મુલાકાત દરમિયાન ડ્રોન ડીલની જાહેરાત કરવામાં આવી હતી. અમારું માનવું છે કે આ સોદો ભારત સાથે વ્યૂહાત્મક ટેક્નોલોજી સહયોગ અને સૈન્ય સહયોગને આગળ વધારવાની નોંધપાત્ર સંભાવના પૂરી પાડે છે. અમેરિકન શસ્ત્રોના ટ્રાન્સફરમાં કોંગ્રેસ મહત્વની ભૂમિકા ભજવે છે. “અમે અમારી ઔપચારિક સૂચના પહેલાં વિદેશી બાબતોની સમિતિમાં કોંગ્રેસના સભ્યો સાથે નિયમિતપણે સલાહ લઈએ છીએ, જેથી અમે તેમના પ્રશ્નોને સંબોધિત કરી શકીએ.”
પ્રિડેટર ડ્રોન શું છે?
પ્રિડેટર ડ્રોન MQ-9B Sea Guardian ડ્રોન તરીકે ઓળખાય છે. આ એક જ વેરીયંટ નથી, આનો બીજો પ્રકાર પણ છે. ડ્રોનના બીજા વેરિઅન્ટનું નામ MQ-9B Sky Guardian છે. હવે બંનેના નામ કેમ અલગ છે? કારણ કે તેના કામ સમાન નથી. Sea Guardian સમુદ્ર પર ઉડાવવામાં આવે છે. જ્યારે SkyGuardianનો ઉપયોગ એરિયલ સર્વેલન્સ અને ગ્રાઉન્ડ વિસ્તારોની સુરક્ષા માટે થાય છે.પ્રિડેટર ડ્રોનની પાંખો 20 મીટર છે અને તે 11 મીટર લાંબી છે.
આ પણ વાંચો :‘અહલાન મોદી’ કહીને પીએમનું દુબઈમાં સ્વાગત કરાશે, સરસ્વતી પૂજાના દિવસે UAEમાં હિન્દુ મંદિરનું ઉદ્ઘાટન થશે
હવે આ દ્રોણનું આટલું નામ અને ખ્યાતિ છે, તો એમાં કાંય તો વાત હશેજ ને . અમેરિકા આ ડ્રોનને ‘હન્ટર-કિલર UAV’ પણ કહે છે. જો તે ડ્રોન હોય તો દેખીતી રીતે તેને ચલાવવા માટે કોઈ પાઈલટની જરૂર નથી. દૂર બેસીને તે રિમોટ વડે હવામાં ‘ઉડાડવામાં ‘ આવે છે. તે 30 કલાકથી વધુ સમય સુધી હવામાં ઉડી શકે છે. તોફાન, વરસાદ, અતિશય ગરમી અને ઠંડી, હવામાન ગમે તે હોય, તો પણ આ મશીન કામ કરે છે. ડ્રોન મુખ્યત્વે દરિયાઈ વિસ્તારોની દેખરેખ માટે બનાવવામાં આવ્યા છે. જો કે, તેનો ઉપયોગ સિવિલ એરસ્પેસમાં પણ સરળતાથી થઈ શકે છે.
MQ-9B સીગાર્ડિયન પ્રિડેટર ડ્રોનની પાંખો 20 મીટર છે અને તેની લંબાઈ 11 મીટર છે. આ ડ્રોનનો ઉપયોગ ઘણા પ્રકારના કામ માટે થઈ શકે છે, જેમ કે:
– સર્વેલન્સ (જાસૂસી પણ કરી શકાય છે.)
– લશ્કરી કાર્યવાહી
– એન્ટિ સરફેસ વોરફેર (નૌકાદળ આ દ્વારા જમીન પર રાખવામાં આવેલા શસ્ત્રોનો નાશ કરે છે.)
– એન્ટી સબમરીન વોરફેર (નૌકાદળ આની મદદથી દુશ્મન સબમરીનનો નાશ કરે છે.)
– લોંગ રેન્જ ઇન્ટેલિજન્સ ગેધરિંગ, સર્વેલન્સ અને ટેસ્ટિંગ
– હવાઈ હુમલા અટકાવવા
– માનવતાવાદી સહાય/આપત્તિ રાહત કાર્ય
MQ-9B ડ્રોન હવાથી જમીન અને હવાથી હવામાં મારવા માટેની મિસાઇલો અને બોમ્બ સાથે ઉડી શકે છે. તે 1700 કિલોથી વધુ વજનના હથિયારો સાથે 50 હજાર ફૂટની ઉંચાઈ સુધી ઉડી શકે છે. આ ઉપરાંત તેની મદદથી ઈલેક્ટ્રોનિક સિસ્ટમ પણ ઓપરેટ કરી શકાય છે જેના કારણે દુશ્મનની એન્ટી એર સિસ્ટમ ફેલ થઈ જાય છે.ડ્રોન 50 હજાર ફૂટની ઉંચાઈ સુધી ઉડી શકે છે.
અંતે આ સોદાની કિંમત જાણો. મીડિયા રિપોર્ટ્સ અનુસાર, આ કરાર લગભગ 3 બિલિયન ડોલરનો છે. એટલે કે આ ડીલ માટે ભારતે અંદાજે 24 હજાર કરોડ રૂપિયા ખર્ચવા પડશે.
નોંધ : આ વેબસાઈટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે. અથવા તો કોઈક સોર્સ ઉપરથી માહિતી લેવામાં આવેલા છે. ન્યૂઝ તથા અન્ય વાતોની જવાબદારી જે તે લેખક તથા સોર્સની રહેશે. “divyangnewschannel.com” વેબસાઈટ કે પેજ ની કોઈપણ પ્રકારની જવાબદારી રહેશે નહીં
About The Author
