IND vs ENG: યશસ્વી-સરફરાઝ ઇનિંગ્સ જાહેર કરતા પહેલા જ પાછા ફર્યા, કેપ્ટન રોહિતે આપી અધભુત પ્રતિક્રિયા
Divyang News
1 min read
Rohit Sharma Declaration Confusion: ભારતે રાજકોટમાં રમાયેલી ત્રીજી ટેસ્ટ મેચ 434 રનના વિશાળ માર્જિનથી જીતીને ઈંગ્લેન્ડ સામેની પાંચ મેચની ટેસ્ટ શ્રેણીમાં 2-1ની સરસાઈ મેળવી લીધી છે. ત્રીજી ટેસ્ટના ચોથા દિવસ દરમિયાન એક હાસ્યાસ્પદ દ્રશ્ય જોવા મળ્યું હતું.
IND vs ENG:ભારતની બીજી ઇનિંગમાં 97 ઓવર પૂરી થયા બાદ યશસ્વી-સરફરાઝ ગેરસમજના કારણે મેદાનમાંથી પરત ફરવાનું શરૂ કર્યું હતું. ઇંગ્લેન્ડના ખેલાડીઓને લાગ્યું કે રોહિત શર્માએ ઇનિંગ્સ ડિકલેર કરી દીધી છે. બેન ડકેટ ડ્રેસિંગ રૂમની સીડી સુધી પણ પહોંચી ગયો હતો. ત્યારબાદ રોહિત શર્મા અચાનક ગુસ્સે થઈ ગયો. રોહિત શર્માએ યશસ્વી જયસ્વાલ અને સરફરાઝ ખાનને બેટિંગમાં પાછા આવવાનો સંકેત આપ્યો હતો.
IND vs ENG:યશસ્વી-સરફરાઝ પાછા ગયા
વાસ્તવમાં, યશસ્વી જયસ્વાલને લાગ્યું કે રોહિત શર્મા દાવ જાહેર કરવા માટે તેની બેવડી સદીની રાહ જોઈ રહ્યો છે. યશસ્વી જયસ્વાલની બેવડી સદી બાદ ડ્રિંક્સ બ્રેક લેવામાં આવ્યો હતો. આ પછી યશસ્વી જયસ્વાલે સરફરાઝ ખાન સાથે પરત ફરવાનું શરૂ કર્યું, પરંતુ રોહિત શર્માએ તે સમયે કોઈ સંકેત આપ્યો ન હતો.
યશસ્વી જયસ્વાલ અને સરફરાઝ ખાન સાથે ઈંગ્લેન્ડના ખેલાડીઓ પણ મૂંઝવણમાં મુકાયા હતા. ખેલાડીઓને પરત ફરતા જોઈને રોહિત શર્મા પોતે પણ આશ્ચર્યચકિત થઈ ગયો હતો. આ પછી રોહિતે તરત જ ડ્રેસિંગ રૂમમાંથી યશસ્વી જયસ્વાલ અને સરફરાઝ ખાનને મેદાનમાં પાછા ફરવા કહ્યું. આ દ્રશ્ય જોઈને ઈંગ્લેન્ડના ખેલાડીઓ પણ દંગ રહી ગયા હતા.
Bro literally sent them back just to declare after a single over 🤣😂🤣😂🤣 #RohitSharma #INDvENG pic.twitter.com/LESQNxT2cL
— insane for ict (@shellycooper24) February 18, 2024
Imagine you had drinks break thinking about how to pick a wicket in the next 2-3 overs before tea break. Then only one over is played & you declare. Totally helpless Stokes and I am loving his pain.#INDvENG #YashasviJaiswal #BazBowled #RohitSharma𓃵 pic.twitter.com/AGKxNDVOtO
— Tom Gravestone (@Whygravestone) February 18, 2024
Crowd declare krne ke liye mana kr rha tha😹😹
Isliye England players ko vapis bhej diya🤣🤣#INDvENG #RohitSharmapic.twitter.com/6bjDoC534E— Ayush Rajput (@Ayush_Rajput17) February 18, 2024
કેપ્ટન રોહિતે અધભુત પ્રતિક્રિયા આપી
કેપ્ટન રોહિત શર્મા ઈચ્છતો હતો કે ટીમ ઈન્ડિયા ડ્રિંક્સ બ્રેક પછી એક ઓવર વધારાની રમે અને ઝડપથી કેટલાક વધુ રન ઉમેરે. ડ્રિંક્સ બ્રેક બાદ ભારતીય ટીમે એક ઓવર એક્સ્ટ્રા રમી અને તેમાં 18 રન બનાવ્યા. ભારતીય ટીમે ચાર વિકેટે 430 રન બનાવીને તેનો બીજો દાવ ડિકલેર કર્યો હતો.
પ્રથમ દાવમાં 126 રનની લીડ ધરાવતા ભારતે આ રીતે ઈંગ્લેન્ડને 557 રનનો મુશ્કેલ લક્ષ્યાંક આપ્યો હતો. ભારત માટે બીજા દાવમાં ઓપનર યશસ્વી જયસ્વાલે અણનમ 214, શુભમન ગીલે 91 અને સરફરાઝ ખાને અણનમ 68 રન બનાવ્યા હતા. 557 રનના લક્ષ્યાંકનો પીછો કરવા ઉતરેલી ઈંગ્લેન્ડની ટીમ બીજા દાવમાં 122 રનમાં ઓલઆઉટ થઈ ગઈ હતી. બીજા દાવમાં રવિન્દ્ર જાડેજાએ 41 રનમાં પાંચ વિકેટ ઝડપી હતી. કુલદીપ યાદવે બે જ્યારે જસપ્રિત બુમરાહ અને રવિચંદ્રન અશ્વિને એક-એક વિકેટ લીધી હતી.
આ પણ વાંચો:IND vs ENG: યશસ્વીએ ઈંગ્લેન્ડ સામે સિક્સરનો વરસાદ કર્યો, સિદ્ધુ-સૌરવ ગાંગુલી અને રોહિતના રેકોર્ડ તોડ્યા
નોંધ : આ વેબસાઈટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે. અથવા તો કોઈક સોર્સ ઉપરથી માહિતી લેવામાં આવેલા છે. ન્યૂઝ તથા અન્ય વાતોની જવાબદારી જે તે લેખક તથા સોર્સની રહેશે. “divyangnewschannel.com” વેબસાઈટ કે પેજ ની કોઈપણ પ્રકારની જવાબદારી રહેશે નહી
About The Author
