મુરાદાબાદમાં ટીવી-મોબાઈલ જોવા બદલ સગીર યુવતીનું મુંડન કરાવાયું, વેપારી પતિ-પત્ની વિરુદ્ધ FIR નોંધાઈ
ZENSI PATEL
1 min read
ઉત્તર પ્રદેશના મુરાદાબાદમાં એક બિઝનેસમેન અને તેની પત્નીએ ઘરમાં કામ કરતી 15 વર્ષની સગીર છોકરી સાથે એવું કામ કર્યું કે તમે સાંભળીને ચોંકી જશો. ઘરમાં કામ કરતી સગીર યુવતી ટીવી અને મોબાઈલ જોતી હોવાની વાતથી ગુસ્સે થઈ તેને સજા કરવાના ઈરાદે વાળંદને ઘરે બોલાવી નિર્દયતાથી તેનું મુંડન કરી દેવામાં આવ્યું. જ્યારે છોકરીના પરિવારને આ ઘટનાની માહિતી મળી, ત્યારે છોકરીની માતાએ મુરાદાબાદના ગલશહીદ પોલીસ સ્ટેશનમાં વેપારી, તેની પત્ની અને વાળ કાપનાર વાળંદ વિરુદ્ધ ફરિયાદ નોંધાવી.
દીકરીને મુરાદાબાદમાં પરિચિતના ઘરે છોડી હતી
બાળકી પશ્ચિમ યુપીના શામલી જિલ્લાની રહેવાસી છે, તેની માતાએ જણાવ્યું હતું કે તે તેની પુત્રીને તેના પરિચિત અદનાન આલમ અને તેની પત્ની સાહિબા સાથે લગભગ એક વર્ષ પહેલા મુરાદાબાદમાં છોડી ગઈ હતી જેથી બાળકીને થોડું શિક્ષણ મળી શકે. બાળકીની માતાએ જણાવ્યું કે તેઓ ગરીબ લોકો છે અને અદનાન આલમ અને તેની પત્નીએ તેને ખાતરી આપી હતી કે તેમની પુત્રી અહીં સુરક્ષિત રહેશે. તેણે છોકરીની માતાને વચન આપ્યું હતું કે તે તેને દર મહિને ઘર સાફ કરવા માટે દસ હજાર રૂપિયા આપશે. પરંતુ બાદમાં તેણે યુવતીને મહિને માત્ર પાંચ હજાર રૂપિયા આપ્યા હતા.
આ પણ વાંચો: શું ED રાહુલની ધરપકડ કરી શકે છે, જાણીએ કેવી રીતે મોદી સરકારે ચતુરાઈથી એજન્સીને સત્તા આપી…
તપાસના આધારે કાર્યવાહી કરવામાં આવશે
વધુમાં યુવતીની માતાએ જણાવ્યું હતું કે તેઓએ મારી પુત્રીને એવી સજા આપી જે અમે સહન ન કરી શક્યા અને અમે પોલીસ ફરિયાદ નોંધાવી. રિપોર્ટ લખાવ્યા બાદ બાળકીની માતા બાળકીને તેની સાથે શામલી સ્થિત તેના ઘરે લઈ ગઈ હતી. ગલશહીદ પોલીસ સ્ટેશનના ઈન્ચાર્જ ઈન્સપેક્ટર સૌરવ ત્યાગીએ જણાવ્યું કે પીડિત બાળકીની માતાની ફરિયાદના આધારે અદનાન આલમ, તેની પત્ની સાહિબા અને યુવતીના વાળ કાપનાર વાળંદ નાઝીમ વિરુદ્ધ કેસ નોંધવામાં આવ્યો છે. આરોપીઓની ધરપકડ કરીને કોર્ટમાં રજૂ કરવામાં આવ્યા હતા જ્યાંથી તેઓને જામીન આપવામાં આવ્યા હતા. આ મામલે તપાસ ચાલી રહી છે, હકીકતના આધારે આગળની કાયદેસરની કાર્યવાહી કરવામાં આવશે.
નોંધ : આ વેબસાઈટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે. અથવા તો કોઈક સોર્સ ઉપરથી માહિતી લેવામાં આવેલા છે. ન્યૂઝ તથા અન્ય વાતોની જવાબદારી જે તે લેખક તથા સોર્સની રહેશે. “divyangnewschannel.com” વેબસાઈટ કે પેજ ની કોઈપણ પ્રકારની જવાબદારી રહેશે નહી
