ZENSI PATEL 
- ખાનગી બસમાં મહિલા મુસાફરને ધમકી આપી આચરાયું દુષ્કર્મ
- ચાલુ બસમાં ડ્રાઈવર અને કંડક્ટરે કુકર્મ કરતા કરાઈ અટકાયત
- અમરદીપ ટ્રાવેલ્સની બસમાં મહિલા ઉજ્જૈન થી મુદ્રા જતી હતી
દાહોદ શહેરમાં ચકચારી બનાવ બનવા પામ્યો છે જેમાં ખાનગી બસના ડ્રાઈવર અને કંડક્ટરે માર મારવાની ધમકીઓ આપીમહિલા મુસાફર સાથે દુષ્કર્મ ગુજારતાં ચકચાર મચી છે. ઘટનાની ગંભીરતાને ધ્યાનમાં પોલીસે બસના ડ્રાઈવર અને કંડક્ટરની અટકાયત કરી તપાસનો ધમધમાટ શરુ કર્યો છે, ગત તા.૦૮મી જાન્યુઆરીના રોજ મુળ મધ્યપ્રદેશમાં રહેતાં અને ગુજરાતના મોરબી મુકામે મજુરી કામ કરતી ૨૩ વર્ષિય પરણિતા અમરદીપ ટ્રાવેલ્સમાં સવાર થઈ ઉજ્જૈન થી મુદ્રા જઈ રહી હતી ત્યારે રસ્તામાં દાહોદ શહેરના ગરબાડા બ્રીજ પાસેથી રાત્રીના સમયે દશેક વાગ્યાના આસપાસ બસ પસાર થઈ હતી દરમિયાન રસ્તામાં બસના ડ્રાઈવર ગણેશભાઈ બદ્રીલાલ ડામોર તથા કંડક્ટર આશિષ અનસિંહ ભીલે પરણિતાને માર મારવાની ધમકીઓ આપી ચાલુ બસમાં પરણિતા સાથે ડ્રાઈવર અને કંડક્ટરે દુષ્કર્મ કર્યું હતું. ઘટનાના ત્રણ દિવસ બાદ પરણિતાએ દાહોદના એ ડિવીઝન પોલીસ મથકે ફરિયાદ નોંધાંવતાં પોલીસે તાત્કાલિક ધોરણે તપાસનો ધમધમાટ શરુ કર્યો હતો. અને બસના ડ્રાઈવર અને કંડક્ટરની અટકાયત કરી આ સંબંધે પોલીસે ગુનો નોંધી આગળની કાયદેસરની કાર્યવાહી હાથ ધરી છે.
નેહલ શાહ, દિવ્યાંગ ન્યુઝ,દાહોદ
About The Author
