કરજણમાં તસ્કરો (Thieves) -સિક્યુરિટી વચ્ચે અથડામણ, ચોરોએ પથ્થરમારો કરતાં સિક્યુરિટી ગાર્ડે સ્વ બચાવમાં ફાયરિંગ કર્યું , ફાયરિંગમાં એક ચોર ઘાયલ, અન્ય બે રંગેહાથ ઝડપાયા

ચોરો (Thieves) દ્વારા સિક્યુરિટી પર પથ્થરમારો

મળતી માહિતી અનુસાર, મોડી રાત્રે આશરે બેથી વધુ તસ્કરો (Thieves) જેટકો વીજ કંપનીની કચેરીની દીવાલ કૂદી અંદર પ્રવેશ્યા હતા. ચોરી કરવાની નીતિ સાથે પ્રવેશ કરેલા તસ્કરો (Thieves) પર સિક્યુરિટી જવાનોની નજર પડતાં તરત જ તેમને અટકાવવાનો પ્રયાસ કરવામાં આવ્યો હતો. જોકે, ચોરોએ સિક્યુરિટી કર્મચારીઓ પર પથ્થરમારો કરી હુમલો કર્યો હતો, જેના કારણે પરિસ્થિતિ તંગ બની ગઈ હતી.

આત્મરક્ષામાં ગનમેનનું ફાયરિંગ

ચોરો (Thieves) ના હુમલાના જવાબમાં ફરજ પર હાજર સિક્યુરિટી ગનમેને આત્મરક્ષા અને પરિસ્થિતિ કાબૂમાં લેવા માટે ફાયરિંગ કર્યું હતું. ફાયરિંગ દરમિયાન ગોળી લાગતાં એક ચોરના હાથના ભાગે ગંભીર ઇજા પહોંચી હતી. આ દરમિયાન સિક્યુરિટી સ્ટાફ અને સિક્યુરિટી ગનમેને તસ્કરોને પકડી પાડવામાં સફળતા મેળવી હતી, જ્યારે કેટલાક ચોર અંધારાનો લાભ લઈ ફરાર થવામાં સફળ રહ્યો હોવાની પ્રાથમિક માહિતી મળી રહી છે.

આ પણ વાંચો : જેતપુરમાં રખડતા કૂતરાઓ (Dogs) નો કહેર, બાળકના હાથે કૂતરાએ બચકા ભરતા 6 ટાંકા આવ્યા, ત્રણ મહિનામાં 1250 લોકોને કૂતરાઓ કરડ્યા

ઘાયલ તસ્કરને હોસ્પિટલમાં ખસેડાયો

ઘટનાની જાણ થતા જ કરજણ પોલીસ તાત્કાલિક ઘટનાસ્થળે પહોંચી હતી. પોલીસે સમગ્ર મામલાની તપાસ હાથ ધરી હતી અને ઘાયલ થયેલા ચોરને સારવાર માટે વડોદરાની એસ.એસ.જી. હોસ્પિટલમાં ખસેડવામાં આવ્યો હતો. ઇજાગ્રસ્ત ચોર ક્રિશ વિજય વધારીને ગંભીર ઇજાઓને લઈ સર્જરી વિભાગમાં ખસેડવામાં આવ્યો છે.જ્યાં તેની સર્જરી કરવામાં આવશે. બાદમાં કરજણ પોલીસ દ્વારા આ મામલે વધુ કાર્યવાહી હાથ ધરવામાં આવશે.

આ અંગે જેટકોના એન્જિનિયર જે. કે. પટેલે જણાવ્યું હતું કે, સિક્યુરિટી દ્વારા સ્વબચાવમાં ફાયરિંગ કરાયું છે. ઘટનાસ્થળ પ્રતિબંધિત વિસ્તાર હોવાથી ફૂટેજ જાહેર કરી શકાય તેમ નથી અને સમગ્ર મામલે પોલીસ તપાસ ચાલી રહી છે.

નોંધ : આ વેબસાઈટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે. અથવા તો કોઈક સોર્સ ઉપરથી માહિતી લેવામાં આવેલા છે. ન્યૂઝ તથા અન્ય વાતોની જવાબદારી જે તે લેખક તથા સોર્સની રહેશે. “divyangnewschannel.com” વેબસાઈટ કે પેજ ની કોઈપણ પ્રકારની જવાબદારી રહેશે નહી