સલમાન ખાનના ઘરની બહાર ફાયરિંગ કેસમાં મોટો વળાંક! દિલ્હી પોલીસે પણ શરૂ કરી તપાસ
Divyang News
1 min read
બોલિવૂડ એક્ટર સલમાન ખાનના ઘરની બહાર ફાયરિંગ બાદ દિલ્હી પોલીસે સમગ્ર મામલાની તપાસ શરૂ કરી દીધી છે. હુમલાખોરની ઓળખ કરવામાં આવી છે, જેનું નામ વિશાલ ઉર્ફે રાહુલ હોવાનું કહેવાય છે, જે મૂળ ગુરુગ્રામનો રહેવાસી છે. તેની સામે 6 કેસ પણ નોંધાયેલા છે, જેમાં હત્યા અને અન્ય જઘન્ય ગુનાઓનો સમાવેશ થાય છે.
સૂત્રએ સ્પેશિયલ સેલને જણાવ્યું કે અમે આરોપીઓ સુધી પહોંચવા માટે ટેકનિકલ પ્રક્રિયા શરૂ કરી છે. સૂત્રોના જણાવ્યા અનુસાર તાજેતરમાં જ લોરેન્સ બિશ્નોઈના નિર્દેશ પર વિશાલ રોહતકમાં એક બુકીની હત્યામાં પણ સામેલ હતો. આ સિવાય 29 ફેબ્રુઆરીએ રોહતકમાં રોડસાઇડ રેસ્ટોરન્ટમાં થયેલી અન્ય હત્યામાં પણ વિશાલની સંડોવણીનો સંકેત મળ્યો છે.
રવિવારે વહેલી સવારે મુંબઈના બાંદ્રા વેસ્ટમાં અભિનેતાના ઘર પર ઓછામાં ઓછી ત્રણથી ચાર ગોળીઓ ચલાવવામાં આવી હતી. છેલ્લા ઘણા વર્ષોથી, સલમાન ખાન અને તેના પરિવારને બિશ્નોઈ ગેંગ જેવા પંજાબ સ્થિત કેટલાક માફિયા જૂથો તરફથી ધમકીઓ મળી રહી છે. અમેરિકામાં રહેતા લોરેન્સ બિશ્નોઈના ભાઈ અનમોલ બિશ્નોઈએ પણ આ ઘટનાને સલમાન ખાન માટે ‘પહેલી અને છેલ્લી ચેતવણી’ ગણાવી છે. તેમણે ચેતવણી આપી છે કે આગામી સમયમાં ‘દિવાલો અથવા કોઈ ખાલી ઘર પર ગોળીઓ ચલાવવામાં આવશે નહીં’.
ફેસબુક પરની એક પોસ્ટમાં, અનમોલ બિશ્નોઈએ ‘બિશ્નોઈ જૂથ’ના અન્ય સહયોગીઓ જેમ કે ગોલ્ડી બ્રાર, રોહિત ગોદારા અને કાલા જઠારી વતી એક સંદેશ પોસ્ટ કર્યો છે. પોસ્ટમાં તેણે કહ્યું કે અમે શાંતિ ઈચ્છીએ છીએ. જો જુલમ સામેનો નિર્ણય યુદ્ધ દ્વારા લેવામાં આવે તો યુદ્ધ યોગ્ય છે. સલમાન ખાન, અમે તમને ટ્રેલર બતાવવા માટે આ કર્યું છે. જેથી તમે સમજો.
આ પણ વાંચો :Arvind Kejriwal In Jail: તિહાર જેલમાં જ રહેશે અરવિંદ કેજરીવાલ, કોર્ટે જુડિસિયલ કસ્ટડી વધારી
અમારી શક્તિની વધુ પરીક્ષા કરશો નહીં. આ પહેલી અને છેલ્લી ચેતવણી છે. આ પછી ખાલી ઘર પર ગોળી ચલાવવામાં નહીં આવે અને તમે જેને ભગવાન માનતા હતા તે દાઉદ ઈબ્રાહિમ અને છોટા શકીલના નામે અમે બે કૂતરા રાખ્યા છે. મને બહુ બોલવાની આદત નથી. પોસ્ટના અંતે તેણે ‘જય શ્રી રામ’ લખ્યું છે.
About The Author
