PM-SETU હેઠળ સુરત ITI ક્લસ્ટરની જવાબદારી AM/NS Indiaને, રૂ. 240.18 કરોડના કૌશલ્ય વિકાસ પ્રોજેક્ટને મંજૂરી

સુરત, જુલાઈ 10, 2026: માનનીય શ્રી જયંત ચૌધરી, કૌશલ્ય વિકાસ અને ઉદ્યોગસાહસિકતા મંત્રાલયના સ્વતંત્ર પ્રભાર ધરાવતા રાજ્યમંત્રી તથા શિક્ષણ મંત્રાલયના રાજ્યમંત્રી, ભારત સરકારના હસ્તે આજે સુરતના મજૂરાગેટ સ્થિત ITI ખાતે પ્રધાનમંત્રી સ્કિલિંગ એન્ડ એમ્પ્લોયમેન્ટ ટ્રાન્સફોર્મેશન થ્રુ અપગ્રેડેડ ITI (PM-SETU) પહેલ હેઠળ સુરત ITI ક્લસ્ટર માટે રૂ. 240.18 કરોડની વ્યૂહાત્મક રોકાણ યોજનાની સત્તાવાર જાહેરાત કરવામાં આવી હતી, જેમાં AM/NS Indiaને સુરત ITI ક્લસ્ટર માટે એન્કર ઇન્ડસ્ટ્રી પાર્ટનર તરીકે જવાબદારી સોંપવામાં આવી છે.

5 વર્ષ દરમિયાન ITI સુરતને હબ તેમજ હજીરા, બારડોલી, સચિન અને મહિલા ITI સુરતને સ્પોક સંસ્થાઓ તરીકે વિકસાવીને 25,000થી વધુ યુવાનોને આધુનિક ઉદ્યોગલક્ષી તાલીમ, એપ્રેન્ટિસશિપ અને રોજગારીની નવી તકો ઉપલબ્ધ કરાવવામાં આવશે.

AM/NS India ઉદ્યોગ આધારિત કૌશલ્ય વિકાસ ક્ષેત્રે પોતાના અનુભવના આધારે PM-SETU પહેલને મજબૂત બનાવવામાં મહત્વપૂર્ણ યોગદાન આપશે. કંપની આધુનિક અભ્યાસક્રમો, ડિજિટલ શિક્ષણ, ઇન્ડસ્ટ્રી ઇમર્શન, ઓન-ધ-જોબ ટ્રેનિંગ તેમજ ફેકલ્ટી અપસ્કિલિંગ દ્વારા ભવિષ્ય માટે સજ્જ અને ઉદ્યોગની જરૂરિયાતોને અનુરૂપ કુશળ કાર્યબળ તૈયાર કરવામાં સહયોગ આપશે.

આ અંગે શ્રી સંતોષ મુંધાડા, એક્ઝિક્યુટિવ ડિરેક્ટર – પ્રોજેક્ટ્સ, હજીરા અને ડેપ્યુટી CTO, AM/NS Indiaએ જણાવ્યું હતું કે, ” અમે AM/NS Indiaમાં, માનીએ છીએ કે દેશના મેન્યુફેક્ચરિંગ ક્ષેત્રનું ભવિષ્ય આપણા યુવાનોના ભવિષ્ય સાથે જોડાયેલું છે. PM-SETU અને NAMTECH સાથેની અમારી ભાગીદારી દ્વારા અમે કુશળ, ઉદ્યોગ માટે સજ્જ માનવબળ તૈયાર કરવામાં યોગદાન આપી રહ્યા છીએ, જે ગુજરાતના ઔદ્યોગિક વિકાસને વધુ વેગ આપશે અને વિકસિત ભારત 2047ના વિઝનને સાકાર કરવામાં મહત્વપૂર્ણ ભૂમિકા ભજવશે.”