વડાપ્રધાન મોદી (PM Modi) ની યુક્રેન મુલાકાતની વિશ્વભરમાં ચર્ચા, જાણો વૈશ્વિક મીડિયાએ આ વિશે શું કહ્યું…

સમગ્ર વિશ્વની નજર વડાપ્રધાન નરેન્દ્ર મોદીની યુક્રેન મુલાકાત પર હતી. ખાસ કરીને વડાપ્રધાન મોદી (PM Modi) એ જે ઉષ્મા સાથે યુક્રેનના રાષ્ટ્રપતિ વોલોડીમિર ઝેલેન્સકીને ગળે લગાવ્યા અને યુદ્ધ અંગે પોતાના વિચારો વ્યક્ત કર્યા તેની ચર્ચા આખી દુનિયામાં થઈ રહી છે. વિશ્વભરના ટોચના અખબારોએ આ અંગે સમાચાર પ્રકાશિત કર્યા છે.

તો ચાલો જાણીએ પીએમ મોદી (PM Modi) ના યુક્રેન પ્રવાસ અંગે વૈશ્વિક મીડિયાએ શું કહ્યું.

ન્યૂ યોર્ક ટાઇમ્સ (New York Times) 

ન્યૂયોર્ક ટાઈમ્સે ભારતની વિદેશ નીતિની પ્રશંસા કરી હતી અને લખ્યું હતું કે વડાપ્રધાન મોદી (PM Modi) યુદ્ધગ્રસ્ત રશિયા અને યુક્રેન બંને સાથે તેમના સંબંધોને કાળજીપૂર્વક સંભાળી રહ્યા છે. તેઓ ગયા મહિને મોસ્કોની મુલાકાતે હતા અને ત્યાં રાષ્ટ્રપતિ પુતિનને ગળે મળ્યા હતા. ભારત રશિયાનો મહત્વપૂર્ણ વેપારી ભાગીદાર છે. ભારતે જૂનમાં યુક્રેનમાં શાંતિ સમજૂતી માટે તેના પ્રતિનિધિને મોકલ્યા હતા, પરંતુ યુક્રેનમાં શાંતિ માટે અન્ય સંમેલનમાં ભારતે ભાગ લીધો ન હતો.

બીબીસી (BBC) 

યુક્રેનના રાષ્ટ્રપતિ સાથેની મુલાકાત દરમિયાન વડાપ્રધાન નરેન્દ્ર મોદીએ કહ્યું હતું કે ‘ભારત યુદ્ધની સ્થિતિમાં ક્યારેય તટસ્થ નથી રહ્યું. ભારત પહેલા દિવસથી જ શાંતિના પક્ષમાં છે. બીબીસીએ તેના અહેવાલમાં આ બાબતને મુખ્ય રીતે પ્રકાશિત કરી છે. જોકે, રિપોર્ટમાં એ મુદ્દો પણ ઉઠાવવામાં આવ્યો છે કે ભારતે ક્યારેય યુક્રેન પર રશિયાના હુમલાની ટીકા કરી નથી. ભારત પણ રશિયાની યુદ્ધ અર્થવ્યવસ્થાને મજબૂત કરી રહ્યું છે અને ભારત રશિયન તેલના સૌથી મોટા આયાતકાર તરીકે ઉભરી આવ્યું છે.

ધ ગાર્ડિયન (The Guardian) 

ધ ગાર્ડિયને વડાપ્રધાન મોદી (PM Modi) ની યુક્રેન મુલાકાત અંગેનો વિગતવાર અહેવાલ પણ પ્રકાશિત કર્યો છે. આ રિપોર્ટમાં યુક્રેનના રાષ્ટ્રપતિ વોલોડીમિર ઝેલેન્સકીનું નિવેદન શીર્ષકમાં લેવામાં આવ્યું છે, જેમાં ઝેલેન્સકીએ પીએમ મોદીની યુક્રેનની મુલાકાતને ઐતિહાસિક ગણાવી હતી. ઝેલેન્સકીએ પીએમ મોદીની યુક્રેન મુલાકાતને લઈને સોશિયલ મીડિયા પર એક પોસ્ટ શેર કરી અને લખ્યું, ‘આજે ઈતિહાસ રચાયો. ભારતના વડાપ્રધાને દેશની આઝાદી બાદ પ્રથમ વખત યુક્રેનની મુલાકાત લીધી હતી. ભારતે યુક્રેનની સાર્વભૌમત્વ અને પ્રાદેશિક અખંડિતતાને સમર્થન આપ્યું હતું અને તે મહત્વનું છે કે વિશ્વભરના દેશો યુએન ચાર્ટરનું સન્માન કરે.’

આ પણ વાંચો: ટેલિગ્રામ (Telegram) મેસેજિંગ એપના સ્થાપક પાવેલ દુરોવ કોણ છે? જેમને ફ્રાન્સમાં કોર્નર કરવામાં આવ્યા હતા

સીએનએન (CNN) 

અમેરિકાની અગ્રણી મીડિયા ચેનલ સીએનએનએ પીએમ મોદી (PM Modi) ના યુક્રેન પ્રવાસ પર લખ્યું છે કે પીએમ મોદીની આ મુલાકાત તેમની રશિયાની મુલાકાતના થોડા અઠવાડિયા પછી થઈ રહી છે. જો કે ભારત સતત યુદ્ધવિરામની અપીલ કરી રહ્યું છે, પરંતુ ભારતે અત્યાર સુધી પોતાને રશિયાની ટીકા કરવાથી દૂર રાખ્યું છે. ભારત રશિયાની અર્થવ્યવસ્થા માટે લાઈફલાઈન તરીકે કામ કરી રહ્યું છે અને રશિયા પાસેથી મોટી માત્રામાં તેલની આયાત કરી રહ્યું છે. રિપોર્ટમાં પીએમ મોદી (PM Modi) ના તે નિવેદનનો પણ ઉલ્લેખ કરવામાં આવ્યો છે જેમાં તેમણે કહ્યું હતું કે યુદ્ધના મેદાનમાં કોઈ સમસ્યાનું સમાધાન થઈ શકતું નથી.

નોંધ : આ વેબસાઈટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે. અથવા તો કોઈક સોર્સ ઉપરથી માહિતી લેવામાં આવેલા છે. ન્યૂઝ તથા અન્ય વાતોની જવાબદારી જે તે લેખક તથા સોર્સની રહેશે. “divyangnewschannel.com” વેબસાઈટ કે પેજ ની કોઈપણ પ્રકારની જવાબદારી રહેશે નહી

About The Author

ZENSI PATEL

See author's posts