NRC-CAA પર પ્રતિબંધ, 10 ફ્રી સિલિન્ડર… મમતા બેનર્જીની ટીએમસીએ મેનિફેસ્ટોમાં લોકોને શું વચનો આપ્યા છે?
Divyang News
1 min read
ભારતીય જનતા પાર્ટી (BJP) પર આખા દેશને “ડિટેન્શન કેમ્પ” માં ફેરવવાનો આરોપ લગાવતા, પશ્ચિમ બંગાળના મુખ્યમંત્રી મમતા બેનર્જીએ બુધવારે કહ્યું કે જો વિપક્ષી ગઠબંધન ‘ઇન્ડિયા’ સત્તામાં આવે છે, તો નાગરિકતા સંશોધન કાયદો (CAA) અને નેશનલ રજિસ્ટર ઓફ સિટિઝન્સ (NRC) નાબૂદ કરવામાં આવશે.
આસામમાં તૃણમૂલ કોંગ્રેસ (TMC)ના ચાર ઉમેદવારોના સમર્થનમાં અહીં એક ચૂંટણી રેલીને સંબોધતા, તેમણે દાવો કર્યો કે જો વડા પ્રધાન નરેન્દ્ર મોદી સતત ત્રીજી વખત સત્તામાં પાછા ફરે છે, તો દેશમાં “લોકશાહી ટકી શકશે નહીં અને ચૂંટણીઓ યોજાશે નહીં”.
આ ઉપરાંત તૃણમૂલ કોંગ્રેસના ચૂંટણી ઢંઢેરામાં ગરીબોને મફત સિલિન્ડરની ભેટ પણ છે. મમતા બેનર્જીની પાર્ટીએ લોકોને વચન આપ્યું છે કે ‘ઇન્ડિયા’ ગઠબંધન સત્તામાં આવ્યા પછી, ગરીબી રેખાથી નીચેના પરિવારોને એક વર્ષમાં 10 મફત રસોઈ ગેસ સિલિન્ડર આપવામાં આવશે.
’મમતા બેનર્જીએ આરોપ લગાવ્યો કે, “ભાજપે સમગ્ર દેશને ડિટેન્શન કેમ્પમાં ફેરવી દીધો છે. મેં મારા જીવનમાં આવી ખતરનાક ચૂંટણી ક્યારેય જોઈ નથી.” મુખ્ય પ્રધાને કહ્યું કે તેમની પાર્ટી ટીએમસી તમામ ધર્મોને પ્રેમ કરે છે અને ધાર્મિક આધાર પર લોકોમાં ભેદભાવ થાય તેવું ઇચ્છતા નથી. બેનર્જીએ રેલીમાં કહ્યું, “જો ‘ઇન્ડિયા’ ગઠબંધન જો તે જીતે છે, તો NRC, CAA અને યુનિફોર્મ સિવિલ કોડ (UCC) લાગુ થશે નહીં. અમે તમામ ભેદભાવપૂર્ણ કાયદાઓ રદ કરીશું.
આ પણ વાંચો :અમદાવાદ-વડોદરા એક્સપ્રેસ વે પર સર્જાયો મોટો રોડ અકસ્માત, એકસાથે 10ના જીવ ગયા
મમતા બેનર્જીએ લોકોને લોકસભા ચૂંટણીમાં આસામના ચારેય TMC ઉમેદવારોને મત આપવા અપીલ કરી હતી અને જાહેરાત કરી હતી કે તેમની પાર્ટી 2026 રાજ્યની વિધાનસભા ચૂંટણીમાં તમામ 126 બેઠકો પર ચૂંટણી લડશે. બેનર્જીએ કહ્યું, “આ માત્ર ટ્રેલર છે, ફાઈનલ આવવાનું બાકી છે. હું ફરી આવીશ.” લોકસભા ચૂંટણી 2024 19 એપ્રિલથી શરૂ થવા જઈ રહી છે. સાત તબક્કામાં મતદાન થયા બાદ 4 જૂને પરિણામ જાહેર થશે.
About The Author
