પશ્ચિમ બંગાળઃ જેલમાં ગર્ભવતી થઈ રહી છે મહિલાઓ , 196 બાળકોનો જન્મ, હાઈકોર્ટે રિપોર્ટ માંગ્યો

Prisoners Getting Pregnant: પશ્ચિમ બંગાળની જેલોમાં કેદી મહિલાઓ ગર્ભવતી થઈ રહી છે. જેલની અંદર 196 બાળકોનો જન્મ થયો છે. એમિકસ ક્યુરીએ આ વાત ગુરુવારે કલકત્તા હાઈકોર્ટને કહી હતી .

પશ્ચિમ બંગાળ સમાચાર: પશ્ચિમ બંગાળની જેલોમાં બંધ મહિલાઓ ગર્ભવતી બની રહી છે. કેવી રીતે? તેની કોઈ ખબર નથી . કોલકાતા હાઈકોર્ટ સમક્ષ (એમિકસ ક્યૂરી) તપાસ ભાંજાએ ગુરુવારે રિપોર્ટ રજૂ કર્યો,તેમના કહેવા મુજબ જેલમાં 196 બાળકો રહે છે. ભાંજાના રિપોર્ટમાં એ નથી જણાવાયું કે કયા સમયે મહિલા ગર્ભવતી બની હતી.

ચીફ જસ્ટિસ ટીએસ શિવગનમની ડિવિઝન બેંચ સમક્ષ ભાંજાએ સૂચન કર્યું હતું કે મહિલા કેદીઓની કોઠરીઓમાં પુરુષ સ્ટાફને પ્રવેશ પર પ્રતિબંધ મૂકવો જોઈએ. કોર્ટે ભાંજાને જેલોનું નિરીક્ષણ કરવા અને ત્યાંની સ્થિતિ અંગે રિપોર્ટ આપવા જણાવ્યું છે. કલકત્તા હાઈકોર્ટે કેસને ક્રિમિનલ બેન્ચને ટ્રાન્સફર કરવાનો આદેશ આપ્યો હતો. હાઈકોટે આ બાબત પરવધુ ચર્ચા સોમવારે કરશે.

‘જેલ માં જતા પહેલા મહિલાઓનો પ્રેગ્નન્સી ટેસ્ટ થાય ‘

એમિકસ ક્યુરીની રિપોર્ટ જણાવે છે કે લગભગ 196 બાળકો પશ્ચિમ બંગાળની વિવિધ જેલોમાં રહે છે. ભાંજા કહે છે કે તેને અલીપુરના મહિલા સુધારણા ગૃહમાં 15 બાળકો – 10 છોકરાઓ અને 5 છોકરીઓ મળ્યા. રિપોર્ટ અનુસાર, ‘કેદીઓ સાથેની ચર્ચા બાદ જાણવામાં આવ્યું છે કે તેમાંથી કેટલાકે સુધારક ગૃહની અંદર જન્મ આપ્યો હતો.

આ પણ વાંચો:Floor Test:વિધાનસભામાં નીતિશ સરકારને અલ્પમતમાં કરવા માટે આરજેડી તૈયાર, JDUના 17 ધારાસભ્યો ગુમ

Amicus Curiae રિપોર્ટ કહે છે કે બંગાળની જેલોમાં આ માટે પૂરતું મેડિકલ ઈન્ફ્રાસ્ટ્રક્ચર નથી. એમિકસ ક્યુરીએ પોતાના રિપોર્ટમાં સૂચન કર્યું છે કે જેલમાં પ્રવેશતા પહેલા તમામ મહિલાઓનો પ્રેગ્નન્સી ટેસ્ટ કરાવવો જોઈએ.અને આ પ્રક્રિયા મુખ્ય ન્યાયિક મેજિસ્ટ્રેટે નજર હેઠળ થવી જોઈએ .

ક્ષમતા કરતા વધુ મહિલા કેદીઓ

હાઈકોર્ટમાં રજૂ કરાયેલા રિપોર્ટમાં ભાંજાએ કહ્યું કે બંગાળમાં મહિલા કેદીઓના વોર્ડ તેમની ક્ષમતા કરતા વધારે ભરાયેલા છે. તેમણે દમદમ સેન્ટ્રલ સુધાર હોમમાં 400 મહિલા કેદીઓ હોવાની વાત કહી. ઓવર ક્રાઉડીંગ ના કરને એમિકસ ક્યુરીએ અલીપુર સુધારક ગૃહમાંથી 90 કેદીઓને ટ્રાન્સફર કરવાનો પણ ઉલ્લેખ કર્યો છે. એડવોકેટ તાપસ કુમાર ભાંજાને HC દ્વારા 2018 માં એમિકસ ક્યુરી તરીકે નિયુક્ત કરવામાં આવ્યા હતા.

નોંધ : આ વેબસાઈટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે. અથવા તો કોઈક સોર્સ ઉપરથી માહિતી લેવામાં આવેલા છે. ન્યૂઝ તથા અન્ય વાતોની જવાબદારી જે તે લેખક તથા સોર્સની રહેશે. “divyangnewschannel.com” વેબસાઈટ કે પેજ ની કોઈપણ પ્રકારની જવાબદારી રહેશે નહી