બાંગ્લાદેશ(Bangladesh)માં વીજળી સંકટ ઘેરાયું: 10 કલાક સુધી પાવર કટ, રાત્રે 8 વાગ્યે બજારો બંધ; ભારત પાસે ડીઝલ સપ્લાય વધારવાની માંગ

બાંગ્લાદેશ (Bangladesh) માં વીજળી સંકટ વધુ ઘેરું બન્યું છે. દેશના અનેક વિસ્તારોમાં દરરોજ કલાકો સુધી વીજળી કાપવામાં આવી રહી છે. કેટલાક વિસ્તારોમાં આ કાપ 8થી 10 કલાક સુધી પહોંચી ગયો છે. તીવ્ર ગરમી વચ્ચે વીજળી સંકટે સામાન્ય લોકો ઉપરાંત ખેતી, ઉદ્યોગ અને વેપાર ક્ષેત્રની મુશ્કેલી પણ વધારી છે.વીજળીની અછતને પહોંચી વળવા માટે સરકારે દેશભરમાં શોપિંગ મોલ, બજાર અને દુકાનોને રાત્રે 8 વાગ્યા સુધી બંધ રાખવાનો નિર્ણય કર્યો છે. આ દરમિયાન વીજળી ઉત્પાદન માટે જરૂરી ઇંધણની અછતને પહોંચી વળવા બાંગ્લાદેશે ભારત પાસેથી ડીઝલનો પુરવઠો વધારવાની માગ પણ કરી છે.

બાંગ્લાદેશ (Bangladesh) માં વીજળી સંકટનું મુખ્ય કારણ શું?

બાંગ્લાદેશ (Bangladesh) માં હાલના વીજળી સંકટ પાછળ સૌથી મોટું કારણ ઇંધણ અને ખાસ કરીને કુદરતી ગેસની અછત હોવાનું જણાવાયું છે. ગેસનો પૂરતો પુરવઠો ન મળતાં વીજ ઉત્પાદન પર સીધી અસર પડી છે.આ સંકટને કારણે દેશમાં વીજળીનું ઉત્પાદન આશરે 1,500 મેગાવોટ ઘટ્યું હોવાનું સામે આવ્યું છે. દેશ પોતાની ઊર્જા જરૂરિયાતનો મોટો હિસ્સો આયાત દ્વારા પૂરો કરે છે, જેના કારણે વૈશ્વિક સપ્લાયમાં થતી અડચણોની અસર પણ બાંગ્લાદેશની વીજ વ્યવસ્થા પર પડે છે.

LNG ટર્મિનલમાં આગ બાદ પુરવઠાને ફટકો

વીજળી સંકટ પાછળના મહત્વના કારણોમાં LNG સપ્લાયમાં આવેલી અડચણ પણ સામેલ છે. અમેરિકી કંપની એક્સલરેટ એનર્જીના LNG ટર્મિનલમાં 21 જુલાઈએ આગ લાગી હતી, જેના કારણે ટર્મિનલ બંધ થયું હતું.ત્યારબાદ ટર્મિનલ પર કેટલાક કામ ફરી શરૂ થયા હોવા છતાં LNGનો પુરવઠો ઘટી ગયો હતો. તેના કારણે વીજ ઉત્પાદન માટે જરૂરી ગેસની ઉપલબ્ધતા પર અસર પડી.આ ઉપરાંત સમુદ્રમાં ખરાબ હવામાનના કારણે ઓછામાં ઓછા બે LNG જહાજો ટર્મિનલ સુધી પહોંચી શક્યા ન હોવાનું પણ જણાવાયું છે. પરિણામે બાંગ્લાદેશ (Bangladesh) માં વીજળી ઉત્પાદનનું સંકટ વધુ ગંભીર બન્યું.

ગ્રામીણ વિસ્તારોમાં સૌથી વધુ વીજ કાપ

બાંગ્લાદેશ (Bangladesh) ની રાજધાની ઢાકામાં હાલ વીજળીનો પુરવઠો તેની જરૂરિયાત પ્રમાણે મળી રહ્યો હોવાનું જણાવાયું છે. જોકે, ઢાકાની બહારના ગ્રામીણ વિસ્તારોમાં સ્થિતિ વધુ મુશ્કેલ છે.મયમનસિંહ, બરિસાલ, રંગપુર, સિલહટ, રાજશાહી અને ખુલના જેવા વિસ્તારોમાં વીજળી કાપની વધુ અસર જોવા મળી રહી છે.મોટાભાગના વિસ્તારોમાં દરરોજ 3થી 5 કલાક સુધી વીજળી ગુલ રહેવાની ફરિયાદો છે. જ્યારે ખુલનામાં કેટલાક લોકો દ્વારા 9થી 10 કલાક સુધી વીજળી કાપની ફરિયાદ કરવામાં આવી છે.

વીજળી કાપથી લોકોમાં રોષ

લાંબા સમય સુધી વીજળી ગુલ રહેતા લોકોમાં પણ રોષ વધી રહ્યો છે. કેટલાક વિસ્તારોમાં ગુસ્સે ભરાયેલા લોકોએ વીજળી સંબંધિત સુવિધાઓને નિશાન બનાવી હોવાના અહેવાલો સામે આવ્યા છે.કેટલીક જગ્યાએ તોડફોડ અને આગચંપીની ઘટનાઓ બાદ વીજ વિભાગે સુરક્ષા માટે પોલીસની મદદ માગી છે.વીજળી સંકટની અસર માત્ર ઘર સુધી સીમિત નથી. ખેતી, રેસ્ટોરન્ટ, કારખાના અને અન્ય વ્યવસાયિક પ્રવૃત્તિઓ પણ પ્રભાવિત થઈ રહી છે.

ખેડૂતોની મુશ્કેલી વધી

વીજળીનો પુરવઠો ખોરવાતા ખેડૂતોને ડીઝલ જનરેટરનો ઉપયોગ કરવો પડી રહ્યો છે. તેના કારણે ઉત્પાદન ખર્ચ વધી રહ્યો છે.ઝીંગા ઉછેર કરતા ખેડૂતો માટે સ્થિતિ વધુ મુશ્કેલ બની છે. વીજળી જતાં પાણીમાં ઓક્સિજન પહોંચાડતી મશીનો બંધ થઈ જાય છે. પાણીમાં ઓક્સિજનનું પ્રમાણ ઘટવાથી ઝીંગાના મોતનું જોખમ વધે છે.બાંગ્લાદેશ માટે ઝીંગા ઉદ્યોગ મહત્વપૂર્ણ છે અને તે વિશ્વના મોટા ઝીંગા નિકાસકારોમાં સામેલ છે.

ગારમેન્ટ અને ટેક્સટાઇલ ઉદ્યોગને પણ અસર

બાંગ્લાદેશ (Bangladesh) નો ગારમેન્ટ અને કાપડ ઉદ્યોગ દેશની અર્થવ્યવસ્થામાં મહત્વની ભૂમિકા ધરાવે છે. વીજળીના વારંવાર કાપને કારણે ઉત્પાદન પ્રક્રિયા પણ પ્રભાવિત થઈ રહી છે.કારખાનાઓને જનરેટરનો ઉપયોગ કરવો પડે છે, જેના કારણે ખર્ચ વધે છે. લાંબા સમય સુધી વીજળીની અછત રહે તો ઉદ્યોગ ક્ષેત્ર પર તેની વધુ અસર થવાની શક્યતા છે.

આ પણ વાંચો :  India-Pakistan match now in the final? : એશિયન ગેમ્સનું શેડ્યૂલ જાહેર, બંને ટીમો અલગ ક્વાર્ટરમાં

વીજળી બચાવવા બજારો માટે સમય નક્કી

વીજળીનો વપરાશ ઘટાડવા માટે બાંગ્લાદેશ સરકારે દુકાનો, બજારો અને શોપિંગ મોલ માટે સમય મર્યાદા નક્કી કરી છે.હવે દેશભરમાં બજારો અને દુકાનોને રાત્રે 8 વાગ્યા સુધી બંધ કરવાનો આદેશ આપવામાં આવ્યો છે. સરકારનો હેતુ વીજળીની માગ ઘટાડીને ઉપલબ્ધ વીજળીનો પુરવઠો જરૂરી વિસ્તારોમાં જાળવી રાખવાનો છે.બાંગ્લાદેશ (Bangladesh) માં આવું પગલું અગાઉ પણ લેવામાં આવ્યું હતું. એપ્રિલમાં ઊર્જા સંકટ વધ્યું ત્યારે દુકાનો અને શોપિંગ મોલને સાંજે 6 વાગ્યા સુધી બંધ રાખવાનો નિર્ણય લેવાયો હતો.

ભારત પાસે ડીઝલ સપ્લાય વધારવાની માંગ 

હાલના વીજળી સંકટ વચ્ચે બાંગ્લાદેશે (Bangladesh) હવે ભારત પાસેથી ડીઝલનો પુરવઠો વધારવાની માગ કરી છે.બાંગ્લાદેશ (Bangladesh) ના ઉર્જા મંત્રી ઇકબાલ હસન મહમૂદે ભારતીય હાઈ કમિશનર દિનેશ ત્રિવેદી સાથે મુલાકાત દરમિયાન આ મુદ્દે વાત કરી હતી.મહમૂદના જણાવ્યા અનુસાર ભારત અને બાંગ્લાદેશ (Bangladesh) વચ્ચે એક પાઇપલાઇન છે, જેના માધ્યમથી બાંગ્લાદેશને ડીઝલ સપ્લાય કરવામાં આવે છે. તેમણે ભારતને આ સપ્લાય વધારવા વિનંતી કરી છે.

2017થી ચાલી રહી છે ભારત-બાંગ્લાદેશ ડીઝલ પાઇપલાઇન

ભારત અને બાંગ્લાદેશ (Bangladesh) વચ્ચે ઇન્ડિયા-બાંગ્લાદેશ (Bangladesh) ફ્રેન્ડશિપ પાઇપલાઇનની શરૂઆત 2017માં થઈ હતી.બંને દેશો વચ્ચે થયેલા 15 વર્ષના કરાર હેઠળ ભારતે દર વર્ષે બાંગ્લાદેશને આશરે 1.80 લાખ મેટ્રિક ટન ડીઝલ આપવાનું છે.પશ્ચિમ એશિયામાં તાજેતરના સંકટ દરમિયાન પણ ભારતે માર્ચ અને એપ્રિલ મહિનામાં બાંગ્લાદેશને 30 હજાર ટનથી વધુ ડીઝલ મોકલ્યું હોવાનું જણાવાયું છે.

હવે બાંગ્લાદેશની નજર ભારત પર

એક તરફ દેશમાં ગેસ અને LNG સપ્લાયની અછત છે, તો બીજી તરફ વીજળીની માગ સતત વધી રહી છે. આવી સ્થિતિમાં બાંગ્લાદેશ માટે તાત્કાલિક ઇંધણની વ્યવસ્થા કરવી મહત્વપૂર્ણ બની છે.લાંબા સમય સુધી વીજળી કાપ, બજારોના સમય પર નિયંત્રણ અને ઉદ્યોગો પર વધતું દબાણ દર્શાવે છે કે બાંગ્લાદેશનું ઊર્જા સંકટ ગંભીર તબક્કામાં પહોંચી ગયું છે.હવે બાંગ્લાદેશ (Bangladesh) ને ભારત પાસેથી વધારાનો ડીઝલ પુરવઠો કેટલો મળે છે અને LNG સપ્લાયમાં કેટલા સમયમાં સુધારો થાય છે તેના પર સૌની નજર રહેશે.

નોંધ : આ વેબસાઈટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે. અથવા તો કોઈક સોર્સ ઉપરથી માહિતી લેવામાં આવેલા છે. ન્યૂઝ તથા અન્ય વાતોની જવાબદારી જે તે લેખક તથા સોર્સની રહેશે. “divyangnewschannel.com” વેબસાઈટ કે પેજ ની કોઈપણ પ્રકારની જવાબદારી રહેશે નહી.