બાંગ્લાદેશ હિંસામાં 97ના મોત, ઈન્ટરનેટ સ્થગિત અને કર્ફ્યુ લાદવામાં આવ્યો, ભારતે નાગરિકોને આપી આ સલાહ

બાંગ્લાદેશ ફરી હિંસાની આગમાં સળગી રહ્યું છે. બાંગ્લાદેશમાં રવિવારે વડા પ્રધાન શેખ હસીનાના રાજીનામાની માગણી સાથે હિંસક વિરોધ પ્રદર્શન દરમિયાન પોલીસ ગોળીબાર અને અથડામણમાં ઓછામાં ઓછા 97 લોકો માર્યા ગયા અને સેંકડો ઘાયલ થયા. પોલીસે હજારો પ્રદર્શનકારોને વિખેરવા માટે ટીયર ગેસના શેલ અને રબરની ગોળીઓ છોડી હતી. બાંગ્લાદેશના ઈતિહાસમાં આ પહેલા ક્યારેય એક જ દિવસમાં આટલી મોટી સંખ્યામાં લોકોના મોત થયા નથી. આ પહેલા 19 જુલાઈના રોજ સરકારી નોકરીઓમાં અનામત નાબૂદ કરવાની માંગ સાથે વિદ્યાર્થીઓના પ્રદર્શનમાં 67 લોકોના મોત થયા હતા. રવિવારે થયેલી અથડામણમાં ઓછામાં ઓછા 13 પોલીસકર્મીઓના પણ મોત થયા હતા.

આ દરમિયાન, Bangladesh ની શેખ હસીના સરકારે રવિવારે સાંજે 6 વાગ્યાથી દેશમાં અનિશ્ચિત કર્ફ્યુની જાહેરાત કરી હતી. ગયા મહિને શરૂ થયેલા વર્તમાન વિરોધ પ્રદર્શન દરમિયાન સરકારે પ્રથમ વખત આવું પગલું ભર્યું છે. આ સાથે સોમવારથી ત્રણ દિવસની સામાન્ય રજા પણ જાહેર કરવામાં આવી છે. Bangladesh માં કર્ફ્યુ લાદવામાં આવ્યો છે અને ઇન્ટરનેટ સેવા સ્થગિત કરી દેવામાં આવી છે. દરમિયાન, ભારતે રવિવારે રાત્રે બાંગ્લાદેશમાં રહેતા તેના તમામ નાગરિકોને પડોશી દેશમાં હિંસાની તાજેતરની ઘટનાઓને ધ્યાનમાં રાખીને ‘અત્યંત સાવધાની’ રાખવા અને તેમની હિલચાલ મર્યાદિત કરવાની સલાહ આપી હતી. ભારતે એક નવી એડવાઈઝરી જારી કરીને તેના નાગરિકોને આગામી આદેશો સુધી બાંગ્લાદેશની યાત્રા ન કરવા જણાવ્યું છે.

બાંગ્લાદેશ હિંસા પર ભારત પણ એલર્ટ

Bangladesh માં સુરક્ષા દળો અને સરકાર વિરોધીઓ વચ્ચેની ભીષણ હિંસક અથડામણ વચ્ચે ભારત પણ એલર્ટ મોડ પર છે. પ્રદર્શનકારીઓ વડાપ્રધાન શેખ હસીનાના રાજીનામાની માંગ કરી રહ્યા છે. ભારતે તેના નાગરિકો માટે એડવાઈઝરી જારી કરી છે. ભારતીય વિદેશ મંત્રાલયે એડવાઈઝરીમાં કહ્યું છે કે, ‘હાલની ઘટનાઓને જોતા ભારતીય નાગરિકોને કડક સલાહ આપવામાં આવે છે કે તેઓ આગામી આદેશ સુધી બાંગ્લાદેશની યાત્રા ન કરે.’

તેના નાગરિકોને ભારતની સલાહ

એડવાઈઝરી અનુસાર, ‘બાંગ્લાદેશમાં હાજર તમામ ભારતીય નાગરિકોને અત્યંત સાવધાની રાખવા, તેમની હિલચાલ મર્યાદિત કરવા અને ઢાકામાં ભારતીય હાઈ કમિશન સાથે હંમેશા સંપર્કમાં રહેવાની સૂચના આપવામાં આવી છે. જોકે, હિંસાને કારણે બાંગ્લાદેશ સરકારે ઈન્ટરનેટ સેવાઓ બંધ કરી દીધી છે.’ .

શેખ હસીનાનો મોટો પડકાર

છેલ્લા 20 વર્ષથી સત્તામાં રહેલી હસીનાની સરકાર માટે આ અત્યાર સુધીનો સૌથી મોટો પડકાર છે. હસીના સતત ચોથી વખત વડાપ્રધાન બન્યા છે પરંતુ Bangladesh નેશનાલિસ્ટ પાર્ટીએ આ ચૂંટણીઓનો બહિષ્કાર કર્યો હતો. માનવાધિકાર સંગઠનો અને ટીકાકારોએ હસીનાની સરકાર પર વિરોધીઓ સામે અતિશય બળનો ઉપયોગ કરવાનો આરોપ લગાવ્યો છે. જો કે હસીના અને તેના મંત્રીઓ આ આરોપને નકારી રહ્યા છે.

આ પણ વાંચો: મુરાદાબાદમાં ટીવી-મોબાઈલ જોવા બદલ સગીર યુવતીનું મુંડન કરાવાયું, વેપારી પતિ-પત્ની વિરુદ્ધ FIR નોંધાઈ

બાંગ્લાદેશમાં રવિવારે શું થયું?

રવિવારે વિદ્યાર્થીઓ અને પ્રદર્શનકારોએ સરકારના રાજીનામાની માંગ સાથે પ્રદર્શન કર્યું હતું. તેઓએ ઘણા મોટા હાઈવે બ્લોક કરી દીધા. ત્યારથી સમગ્ર દેશમાં હિંસા ફેલાઈ ગઈ છે. આર્મી, નેવી, એરફોર્સ, પોલીસ અને અન્ય એજન્સીઓના વડાઓ સાથે રાષ્ટ્રીય સુરક્ષા સમિતિની બેઠક બાદ હસીનાએ કહ્યું, ‘જે લોકો હિંસા કરે છે તે વિદ્યાર્થીઓ નથી પરંતુ આતંકવાદી છે જેઓ દેશને અસ્થિર કરવા માંગે છે. તેણીએ કહ્યું, ‘હું દેશવાસીઓને અપીલ કરું છું કે આ આતંકવાદીઓને સખત રીતે કચડી નાખો.’

નોંધ : આ વેબસાઈટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે. અથવા તો કોઈક સોર્સ ઉપરથી માહિતી લેવામાં આવેલા છે. ન્યૂઝ તથા અન્ય વાતોની જવાબદારી જે તે લેખક તથા સોર્સની રહેશે. “divyangnewschannel.com” વેબસાઈટ કે પેજ ની કોઈપણ પ્રકારની જવાબદારી રહેશે નહી