પાકિસ્તાન (Pakistan) વિરુદ્ધ મજબૂત પુરાવા મળ્યા; ‘ISI તરફથી મળ્યા આદેશો, બેતાબ ખીણમાં છુપાયેલા શસ્ત્રો’, NIA રિપોર્ટમાં થયો ખુલાસો…
ZENSI PATEL 
NIAના પ્રાથમિક તપાસ અહેવાલમાં ખુલાસો થયો છે કે પહેલગામ આતંકવાદી હુમલો પાકિસ્તાની આતંકવાદી સંગઠન લશ્કર-એ-તૈયબા, ISI અને પાકિસ્તાની સેના (Pakistani Army) નું કાવતરું હતું.
જમ્મુ અને કાશ્મીરના પહેલગામની બૈસરન ખીણમાં 22 એપ્રિલ 2025 ના રોજ થયેલા આતંકવાદી હુમલાએ સમગ્ર વિશ્વને હચમચાવી નાખ્યું હતું. આ ક્રૂર હુમલામાં 26 પ્રવાસીઓએ જીવ ગુમાવ્યા, જ્યારે 20 થી વધુ લોકો ઘાયલ થયા હતા. ત્યારે આ અંગે NIA (નેશનલ ઇન્વેસ્ટિગેશન એજન્સી) દ્વારા હાથ ધરવામાં આવેલી પ્રાથમિક તપાસનો રિપોર્ટ બહાર આવ્યો છે, જેમાં પાકિસ્તાન (Pakistan) ના ઊંડા ષડયંત્રનો પર્દાફાશ થયો છે.
પાકિસ્તાન (Pakistan) વિરુદ્ધ મજબૂત પુરાવા મળ્યા
NIAના શરૂઆતના રિપોર્ટમાં ઘણા ચોંકાવનારા ખુલાસા થયા છે. આ મુજબ, આ હુમલો પાકિસ્તાની આતંકવાદી સંગઠન લશ્કર-એ-તૈયબા, ISI અને પાકિસ્તાની સેનાના સહયોગથી કરવામાં આવ્યો હતો. આ હુમલાનું આયોજન ISI ના ઈશારે પાકિસ્તાન (Pakistan) માં લશ્કરના મુખ્યાલયમાં કરવામાં આવ્યું હતું. તપાસમાં જાણવા મળ્યું છે કે હુમલામાં સામેલ આતંકવાદીઓ પાકિસ્તાન (Pakistan) અધિકૃત કાશ્મીર (POK) માં બેઠેલા તેમના હેન્ડલરોના સંપર્કમાં હતા. તેમને પાકિસ્તાન (Pakistan) તરફથી માર્ગદર્શિકા અને ભંડોળ મળી રહ્યું હતું.
હુમલામાં સામેલ આતંકવાદીઓની ઓળખ
પહેલગામ હુમલામાં સામેલ આતંકવાદીઓની ઓળખ થઈ ગઈ છે. આ POK સાથે જોડાયેલા હતા. મુખ્ય આતંકવાદીઓની ઓળખ હાશિમ મુસા અને અલી ઉર્ફે તલ્હા ભાઈ તરીકે થઈ છે. બંને આતંકવાદી પાકિસ્તાન (Pakistan) ના નાગરિક છે અને લશ્કર-એ-તૈયબા સાથે સંકળાયેલા છે. બંનેને કાશ્મીરમાં રહેતા આદિલ ઠોકર દ્વારા મદદ કરવામાં આવી હતી.
આ પણ વાંચો : આને કહેવાય લક્ઝરી… 65 ઇંચનું TV, ગેમિંગ રૂમ અને ઘણું બધું! મર્સિડીઝે (Mercedes) અદ્ભુત કાર ‘Vision V’ રજૂ કરી
રિપોર્ટમાં OGWનો મોટો ખુલાસો
પાકિસ્તાની આતંકવાદીઓને મદદ કરવામાં ઓવર ગ્રાઉન્ડ વર્કર્સ (OGW) ની ભૂમિકા પ્રકાશમાં આવી છે. આ સ્થાનિક લોકો છે જે આતંકવાદીઓને લોજિસ્ટિકલ સપોર્ટ, માહિતી, માર્ગદર્શન અને છુપાયેલા સ્થળો પૂરા પાડે છે. પહેલગામ તપાસમાં 150 થી વધુ લોકોના નિવેદનો નોંધવામાં આવ્યા છે. OGW ના સંપર્કો અને સહયોગીઓની યાદી તૈયાર કરવામાં આવી છે. તેમની સામે વહીવટી અને કાનૂની કાર્યવાહીની પ્રક્રિયા શરૂ થઈ ગઈ છે.
ટેકનિકલ તપાસ અને પુરાવા
તપાસ ટીમે બૈસરન ખીણમાં હુમલાની ઘટનાનું 3D મેપિંગ અને પુનર્નિર્માણ કર્યું. આનાથી બેતાબ ખીણમાં શસ્ત્રો છુપાયેલા હોવાનું જાણવામાં મદદ મળી. ફોરેન્સિક પુરાવા એકત્રિત કરવામાં આવ્યા હતા, જેમાં વપરાયેલા કારતુસનો પણ સમાવેશ થતો હતો. તેને તપાસ માટે ફોરેન્સિક સાયન્સ લેબમાં મોકલવામાં આવ્યું છે. NIAના ડાયરેક્ટર જનરલ (DG) ના નેતૃત્વ હેઠળ તૈયાર કરાયેલ આ રિપોર્ટ ટૂંક સમયમાં કેન્દ્રીય ગૃહ મંત્રાલયને સુપરત કરવામાં આવશે. આ આધારે, આંતરરાષ્ટ્રીય મંચો પર પાકિસ્તાન (Pakistan) સામે કાર્યવાહી કરવામાં આવશે. પુરાવા યુએન અને એફએટીએફ જેવા સંગઠનોને રજૂ કરી શકાય છે.
નોંધ : આ વેબસાઈટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે. અથવા તો કોઈક સોર્સ ઉપરથી માહિતી લેવામાં આવેલા છે. ન્યૂઝ તથા અન્ય વાતોની જવાબદારી જે તે લેખક તથા સોર્સની રહેશે. “divyangnewschannel.com” વેબસાઈટ કે પેજ ની કોઈપણ પ્રકારની જવાબદારી રહેશે નહી
