ZENSI PATEL 
NCR અને પશ્ચિમ ઉત્તર પ્રદેશમાં સતત વધી રહેલી ગરમીથી બચવા માટે મુરાદાબાદના યુવાનોએ અનોખો રસ્તો શોધી કાઢ્યો છે. જેનો વીડિયો હવે સોશિયલ મીડિયા પર ઝડપથી વાયરલ થઈ રહ્યો છે.
સોશિયલ મીડિયા પર ઘણીવાર કંઈક ને કંઇક અજીબ જોવા મળે છે, જે લોકોને આશ્ચર્યમાં મૂકી દે છે. સોશિયલ મીડિયા પર હિટ બનવા માટે લોકો ઘણીવાર આવા અજીબોગરીબ કામો કરતા હોય છે. કેટલાક એવા કારનામા છે જે તમને વિચારવા માટે મજબુર કરી દે છે. આવો જ એક વીડિયો યુપીના મુરાદાબાદમાં સોશિયલ મીડિયા પર વાયરલ થઈ રહ્યો છે. વિડીયોમાં બે છોકરાઓ ચાલતા સ્કૂટર પર નહાતા જોવા મળે છે.
ગરમીથી બચવાની અનોખી રીત
NCR અને પશ્ચિમ ઉત્તર પ્રદેશમાં સતત વધી રહેલી ગરમીથી બચવા માટે મુરાદાબાદના યુવાનોએ અનોખો રસ્તો શોધી કાઢ્યો છે. જેનો વીડિયો સોશિયલ મીડિયા પર ઝડપથી વાયરલ થઈ રહ્યો છે. વાસ્તવમાં, આ વાયરલ વીડિયોમાં બે છોકરાઓ સ્કૂટર પર મુસાફરી કરતી વખતે સ્નાન કરતા નજરે પડે છે. છોકરાએ સ્કૂટર પર પાણી ભરેલી ડોલ રાખી છે અને પાછળ બેઠેલો યુવક સ્કૂટર ચલાવી રહેલા તેના મિત્રને સ્નાન કરાવી રહ્યો છે. વિડીયોમાં લોકો પણ તેમને ઉત્સુકતા સાથે જોતા જોવા મળે છે. 22 સેકન્ડનો આ વીડિયો સોશિયલ મીડિયા પર ઝડપથી વાયરલ થઈ રહ્યો છે.
આ પણ વાંચો : રાજસ્થાનમાં BSF જવાને તાપથી ધગધગતી રેતી પર પાપડ પકવ્યો, રસ્તાઓ પર કર્ફ્યુ જેવી સ્થિતિ
ટ્રાફિક પોલીસ એક્શનમાં આવી
મુરાદાબાદમાં ગરમીથી બચવા રસ્તા પર ચાલતા સ્કૂટર પર નહાતા બે યુવકોનો વીડિયો વાયરલ થયા બાદ મુરાદાબાદની ટ્રાફિક પોલીસ હવે એક્શનમાં આવી છે. હવે પોલીસ સ્કૂટરની નંબર પ્લેટના આધારે માહિતી એકઠી કરી રહી છે. જે બાદ કાર્યવાહીની તૈયારીઓ કરવામાં આવી રહી છે. મુરાદાબાદ એસપી ટ્રાફિકે કહ્યું કે આ લોકોને બહુ જલ્દી પકડવામાં આવશે અને તેમની સામે કાર્યવાહી કરવામાં આવશે.
નોંધ : આ વેબસાઈટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે . અથવા તો કોઈક સોર્સ ઉપરથી માહિતી લેવામાં આવેલા છે. ન્યૂઝ તથા અન્ય વાતોની જવાબદારી જે તે લેખક તથા સોર્સની રહેશે. “divyangnewschannel.com” વેબસાઈટ કે પેજ ની કોઈપણ પ્રકારની જવાબદારી રહેશે નહી
About The Author
