પ્રોફેસરોના ત્રાસથી હોમિયોપેથીની વિદ્યાર્થીનીએ કરી આત્મહત્યા (Suicide) , પોલીસે 3 પ્રોફેસરો સહિત પ્રિન્સિપાલની ધરપકડ કરી

સુરેન્દ્રનગર જિલ્લાના નાગવાડા ગામની 19 વર્ષીય વિદ્યાર્થિની ઉર્વશી મહેસાણા-વિસનગર હાઇવે પર બાસણા નજીક આઇ મર્ચન્ટ કોલેજની હોમિયોપેથી મેડિકલ કોલેજની હોસ્ટેલમાં રહીને અભ્યાસ કરતી હતી. ગુરુવારે, પ્રોફેસરોના ત્રાસથી કંટાળીને, તેણે તેના હોસ્ટેલ રૂમમાં આત્મહત્યા (Suicide) કરી લીધી. વિદ્યાર્થીના પિતાએ ચાર પ્રોફેસરો અને પ્રિન્સિપાલ વિરુદ્ધ ફરિયાદ નોંધાવી છે.

મૂળ સુરેન્દ્રનગર જિલ્લાના નાગવાડા ગામની રહેવાસી, ઉર્વશી હોમિયોપેથી કોલેજમાં BHMS ના પ્રથમ વર્ષની વિદ્યાર્થીની હતી. તે કોલેજ હોસ્ટેલમાં રહીને અભ્યાસ કરતી હતી. મળતી માહિતી મુજબ, અભ્યાસ દરમિયાન પ્રોફેસર દ્વારા કરવામાં આવતી હેરાનગતિને કારણે, તેણે પોતાના રૂમમાં પંખા સાથે લટકીને આત્મહત્યા (Suicide) કરી લીધી, જેનાથી ચકચાર મચી ગઈ. દીકરીના મૃત્યુના સમાચાર સાંભળીને, સુરેન્દ્રનગરનો પરિવાર મહેસાણા સિવિલ હોસ્પિટલ દોડી ગયો, જ્યાં દીકરીને મૃત જોઈને આખો પરિવાર શોકમાં ડૂબી ગયો.

આ પણ વાંચો : Squid Game Season 3: ‘સ્ક્વિડ ગેમ 3’ ની રિલીઝ તારીખ જાહેર, જાણો ક્યારે સ્ટ્રીમ થશે

પ્રોફેસરોના ત્રાસથી વિદ્યાર્થીનીએ આત્મહત્યા (Suicide) કરી

આ ઘટના બાદ વિદ્યાર્થીના પિતાએ પોલીસ સ્ટેશનમાં ચાર પ્રોફેસરો વિરુદ્ધ ફરિયાદ નોંધાવી હતી. પિતાએ પોતાની ફરિયાદમાં જણાવ્યું હતું કે ઉર્વશીએ તેમને કહ્યું હતું કે સુરેશરાવ નામના પ્રોફેસર તેને પરીક્ષામાં નાપાસ થવાની ધમકી આપવી ધમકાવતા હતા અને પ્રોફેસર પ્રશાંત તેમને ત્રણ વાર એક જ વાત લખવાનું કહેતા અને ૨-૩ કલાક ઊભા રહેવાનું કહેતા. પ્રોફેસર બોઝ તેના વિશે અશ્લીલ ટિપ્પણીઓ કરતા હતા. જ્યારે તેમણે આ અંગે પ્રિન્સિપાલ પાટીલને ફરિયાદ કરી ત્યારે તેમણે કહ્યું કે જો ભણવું હોય તો આ બધું સહન કરતા શીખો.

છોકરીના પિતાએ કહ્યું કે પ્રિન્સિપાલે પ્રોફેસરોનો પક્ષ લીધો હોવાથી, વિદ્યાર્થીનીને ન્યાય ન મળ્યો અને તેણે આત્મહત્યા (Suicide) કરી. તો આ અંગે મહેસાણાના ડેપ્યુટી એસપી મિલાપ પટેલે જણાવ્યું હતું કે ઉર્વશીના પિતાએ ફરિયાદ નોંધાવી હતી કે ચાર પ્રોફેસરો અને કોલેજના પ્રિન્સિપાલે તેણીને માનસિક અને શારીરિક ત્રાસ આપ્યો. આ આધારે પોલીસે ત્રણ પ્રોફેસરો અને પ્રિન્સિપાલની અટકાયત કરી છે અને તેમની પૂછપરછ શરૂ કરી છે.

નોંધ : આ વેબસાઈટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે. અથવા તો કોઈક સોર્સ ઉપરથી માહિતી લેવામાં આવેલા છે. ન્યૂઝ તથા અન્ય વાતોની જવાબદારી જે તે લેખક તથા સોર્સની રહેશે. “divyangnewschannel.com” વેબસાઈટ કે પેજ ની કોઈપણ પ્રકારની જવાબદારી રહેશે નહી