ભીલોડામાં નર્સિંગ વિદ્યાર્થી (Student) પર હુમલાના વિરોધમાં મેઘરજ સજ્જડ બંધ, ભાજપ યુવા મોરચાના દેવાંગ બારોટની ધરપકડ
ZENSI PATEL 
અરવલ્લી જિલ્લાના ભીલોડા તાલુકામાં નર્સિંગનો અભ્યાસ કરતા એક વિદ્યાર્થી (Student) પર થયેલા હુમલાના બનાવે સમગ્ર વિસ્તારમાં ભારે ચકચાર મચાવી છે. વિદ્યાર્થી (Student) સાથે થયેલી મારામારી બાદ આ ઘટના સમાજમાં આક્રોશનું કારણ બની છે. નર્સિંગ વિદ્યાર્થી પર થયેલા હુમલાના વિરોધમાં મેઘરજ તાલુકામાં આદિવાસી સમાજના વિવિધ સંગઠનો દ્વારા સજ્જડ બંધનું એલાન આપવામાં આવ્યું હતું. બંધના આહ્વાનને પગલે તાલુકાના મુખ્ય બજારો સ્વયંસ્ફૂર્ત રીતે બંધ રહ્યા હતા.
ભાજપ યુવા મોરચાના દેવાંગ બારોટ પર વિદ્યાર્થી (Student) સાથે મારામારીના આરોપ
પ્રાપ્ત માહિતી અનુસાર, આ મામલે આર.જી. બારોટના સંચાલક દેવાંગ બારોટ સામે ફરિયાદ નોંધાઈ છે. ભાજપ યુવા મોરચાના નેતા દેવાંગ બારોટ પર નર્સિંગ વિદ્યાર્થી (Student) સાથે મારામારી કરવાનો ગંભીર આરોપ લગાવવામાં આવ્યો છે. ઘટનાની ગંભીરતાને ધ્યાનમાં રાખી પોલીસે દેવાંગ બારોટ સામે એટ્રોસિટી એક્ટ હેઠળ ગુનો દાખલ કર્યો છે. ફરિયાદ બાદ આરોપીની ધરપકડ કરી કાયદેસરની કાર્યવાહી શરૂ કરવામાં આવી છે.
પોલીસનો કડક બંદોબસ્ત
બંધ દરમિયાન કોઈ અનિચ્છનીય બનાવ ન બને તે માટે મેઘરજ સહિત આસપાસના વિસ્તારોમાં પોલીસનો કડક બંદોબસ્ત ગોઠવવામાં આવ્યો હતો. સંવેદનશીલ વિસ્તારોમાં પોલીસ દ્વારા સતત પેટ્રોલિંગ પણ કરવામાં આવ્યું હતું. આદિવાસી સમાજના આગેવાનોએ દોષિતો સામે કડક કાર્યવાહી કરવાની માંગ ઉઠાવી છે. સાથે જ તેમણે ચેતવણી આપી છે કે, જો ન્યાય નહીં મળે તો આંદોલનને વધુ ઉગ્ર બનાવવામાં આવશે.
નોંધ : આ વેબસાઈટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે. અથવા તો કોઈક સોર્સ ઉપરથી માહિતી લેવામાં આવેલા છે. ન્યૂઝ તથા અન્ય વાતોની જવાબદારી જે તે લેખક તથા સોર્સની રહેશે. “divyangnewschannel.com” વેબસાઈટ કે પેજ ની કોઈપણ પ્રકારની જવાબદારી રહેશે નહી
